Лакку дуниял (ниттил мазрал лу)

Грамматика

цурдалу аьдад (един.ч.) – чIяру аьдад (множ. ч.)

кьини – кьинирду

хьхьу – хьхьурду

гьантта – гьантри

бутIа – бутIри

къатта – къатри

дарс – дарсру

барз – барзру

душ – душру

оьрчI – оьрчIру

нуз – нузру

чIавахьулу – чIавахьултту

чIира – чIиртту

магъи – магъив

Упражнение

Цими бутIуя хьуну буссар гьантта? (Из скольких частей состоят сутки?)

Чани бумур бутIун ца цири? (Как называется светлая часть суток?)

Хьхьурай цIан дикIайссаривкьай, чани бикIайссарив? (Ночью бывает темнота или свет?)

Дяхтта цIан дикIайссарив, юхссагу чани бикIайссарив? (Днем бывает темнота или свет?)

Цумурди гьантлул чаннамур бутIа? (Которая часть суток светлая?)

Цумурди гьантлул цIанмур бутIа? (Которая часть суток темная?)
КIилчинмур бутIа

Прочитай и постарайся пересказать текст.

Ттун цIа Зайнуттинни. Ттуйн Зайнуттин учайссар. На студентра. Дуклай ура университетраву. Жул университетрайн учайссар Дагъусттаннал паччахIлугърал университет. На дуклай ура химиялул факультетрай. На шамилчинмур курсирай уссара. На шамилчинмур курсирал студентра. Ва факультетрал химиктал итабакьайссар. Ттун ххирар химия. Химия ттун школалийра ххирассия.

Ттул ппугу химикри. Ттул буттан цIа Гъазийри. Ганалгу ваниннин кьуния ххюра шинал хьхьичI бувккуссар вава университетрал вава факультет. Ва факультет къуртал бувну, ттул буттая хьуссар химик. Га зий ур МахIаммад ХIажиевлул цIанийсса заводрай. Ттул бутан ххирар цала давугу, цала заводгу. Университет къуртал бувкун, ттунгу тава заводрай зун ччива.
БувчIин бавуртту

ххирар – люблю, -ишь, -ит

ххирассия – любил

школалийра – еще в школе

цала – свой, -я, -и

паччахIлугъ III – государство

итабакьин (итабакьайссар) – выпускать (выпускает)

буцин II – привести

буккин (бувккуссар) II – обучиться (обучился), окончить (окончил, -а, -и)

вава (-ра) – этот же

тава (-ра) [тă:вă]– тот же

цIанийсса – имени

ччива – хотел бы

даву III – работа

Упражнение

Чув дуклай ур Зайнуттин? (Где учится Зайнутин?)

Цумур курсирай дуклай ур Зайнуттин? (На каком курсе учится Зайнутин?)

Ххирарив Зайнуттиннун химия? (Любит ли Зайнутин химию?)

Школалийгу ххирассияв Зайнуттиннун химия? (Любил ли зайнутин химию в школе?)

Цу ур Зайнуттиннул ппу? (Кто отец Зайнутина?)

Та къуртал бувну бур Зайнуттиннул буттал университет? (Когда окончил университет отец Зайнутина?)

Зайнуттиннул буттан цIа цири? (Как имя отца Зайнутина?)

Чув зий ур Зайнуттиннул ппу? (Где работает отец Зайнутина?)

Чув зун ччай бур Зайнуттиннун университет къуртал бувкун? (Где бы хотел работать Зайнутин после окончания университета?)

Шамилчинмур бутIа

Дагъусттаннай хъинну чIявусса миллатру ялапар хъанай буссар. Миннуву буссар хъинну чанссагу, мадара хъунисса миллатру. Хъинну чансса миллатирттал аьдад ттуршвардай хIисав дан шайсса дуссар. Мадара хъуними миллатирттал аьдад ттуршазарардайсса дуссар. Дагъусттаннал хъуними миллатирттан ккаллиссар ярусса, даргал, лезги, къумукьи, лак. Лакрал аьдад ттуршазарунния лирчусса дуссар.

БувчIин бавуртту

ялапар хъанан – жить

ялапар хъанай буссар – живут (постоянно-повторное время)

миннаву – среди них

мадара – довольно, более-менее

ттуршварду – сотни

аьдад III (-рал) – количество

ттуршвардайсса – исчисляющийся сотнями

ттуршазарардайсса – исчисляющийся сотнями тысяч

ккаллиссар – считается (считаются)

лирчусса – превышающий (-ая, -ее, -ие)

Упражнение

ЧIявусса буссарив миллатру ялапар хъанай Дагъусттаннай? (Много ли в Дагестане живет народов?)

Миннуву чанссагу, мадара чIявуссагу миллатру буссарив? (Есть ли среди них малые и довольно большие народы?)

Хъинну чансса миллатирттал аьдад цуксса дикIайссар? (Каким количеством исчисляются количество очень малых народов?)

Мадара хъуними миллатирттал аьдад цуксса дуссар? (Каким количеством исчисляются количество доволно больших народов?)

Цумири Дагъусттаннай мадара хъуними миллатру? (Какие народы в Дагестане довольно большие?)

Циксса буссар лак? (Сколько лакцев?)

Мукьилчинмур бутIа

Ихтилáт (разговор)

Попробуй повторить этот диалог со своим братом или сестрой или с воображаемым собеседником.

– Бивзрав, Шуаьнат!

– Ивзрав инагу, Зайнуттин!

– Цукун бура? (Как ты [поживаешь]?)

– За бакъар, мадарану. Вила ци иш бур? (Ничего, не плохо. У тебя как дела?)

– Нагу мадарану ура. Дарсирайн най бурав? (И у меня не плохо. Идешь на занятия?)

– Бура. Инагу авчурав? (Иду. И ты идешь?)

– Авчура. Ина, ингилис маз лахьлай бура, увкуна. (Иду. Ты говорила, что изучаешь «ингилис» язык?)

– Увкуссия. (Говорила.)

– Ингилис маз цумур мазри? (Что за язык «ингилис»?)

– Ингилис учайссар лакку мазрай англичаннайн. («Ингилис» на лакском языке означает англичане.)

– БацIула, вин хъинну кIуллив лакку маз? (Подожди-ка, ты так хорошо знаешь лакский язык?)

– КъакIулли. Чансса кIулли. (Не знаю. Немножечко знаю.)

– Та байбишинну лакку мазрал дарсру лахьлай? (Когда начнем учить уроки лакского языка?)

– ЧIал къавхьуну.

– Пашман къахьуннав?

– Пашман? Пашман хьун? У-у.

– Хъинни, туну.

– Цалсса барчаллагь.

– Цалсса.

жүктеу/скачать 2.46 Mb.

Достарыңызбен бөлісу: