- тарау. Ұңғыманың қымталғандығын бақылау

242. Обсадты бағаналар цементтеу аралығы шегінде технологиялық жабдықтау элементтерімен (оларды орнату мүмкін болғанда) жабдықталады, олардың номенклатурасы, саны және орналастыру орны ұңғыманы салуға жобамен анықталады және бағананы түсіруге жұмыс жоспарында нақтыланады. Жабдықтау элементтері, соның ішінде олардың бұрандалы құрамалары, түйістіру желілері және обсадты бағананың құрамына қосылатын өзге элементтер оның қымталуы мен есептік беріктігін төмендетпейді.

243. Сериямен шығарылатын тығындама материалдарды және олардың негізінде ерітінділерді таңдау келесі талаптар ескеріле отырып жүзеге асырылады:

тығындама материал және олардан жасалған тас цементтеудің барлық көлемі бойынша ұңғымадағы статтық температура диапазонына сәйкес;

тығындама ерітіндінің құрамы цементтеу аралығында, ұңғымада цементтеу кезінде күтілетін динамикалық температура және қысым бойынша таңдалады;

тығындама ерітіндінің тығыздығы бұрғылау ерітіндісінің тығыздығынан төмен емес ұсталады. Берік тең жағдайларда тығындама ерітіндінің тығыздығының жоғарғы шегін шектеу цементтеу кезінде гидродинамикалық қысымның әсерімен жыныстың ыдырауын болдырмау болып табылады.

Жобалаушымен келісу бойынша сыналған тығындама материалдармен немесе бекітудің жобадан төмен емес беріктігі мен ұзақ уақыттығын қамтамасыз ететін бөлшектермен бекітуге жол беріледі.

244. Осы бағананы цементтеуге сәйкес жағдайларда (температура, қысым, ұстаудың басталуы және аяқталуы, қоюлану, беріктік және басқалар) зертханалық талдау жүргізбестен цементті қолдануға жол берілмейді.

245. Гидростаттықтан жоғарғы қабатты қысымдар күтілетін алаңдар мен кен орындарында, газ кен орындарында пайдалану бағаналарын түсіру және цементтеу жоспары жасалады және жұмыстар АҚҚ өкілдерінің қатысуымен жүргізіледі.

246. Цементтеу бойынша жөндеу-оқшаулау жұмыстары кезінде, сапасыз цементтеу кезінде газ ұңғымаларында өтетін өнімдік емес қабаттардың аралығында, қабаттардың мүмкін болатын гидро ыдырау аймағында обсадты бағаналарды перфорациялау жүргізуге жол берілмейді.

247. Аралық бағананы және тастамаға қарсы жабдықты қымталуға тексеру кейіннен акт жасай отырып, АҚҚ өкілінің қатысуымен, ал пайдалану бағанасын және атқыма арматурасын – АҚҚ және тапсырыс берушінің қатысуымен жүргізіледі (7 - қосымша).

Кондукторды және обсадты бағананы беріктік пен қымталуға сынау цемент қатқаннан, цементтеу сапасын тексергеннен кейін, ұңғыманың нақты жағайын және келесі талаптардың орындалуын ескере отырып, технологиялық регламентке сәйкес жүргізіледі:

1) кондукторлар мен аралық бағаналарды қымталуға тексеру оларды сағасынан 20-25 м дейінгі тереңдікке дейін сумен, ал қалған бөлігін тампонаждау қоспасын басу жүргізілген бұрғылау ерітіндісімен толтырумен тығыздау арқылы жүргізіледі;

2) пайдалану бағанасы алдын ала бұрғылау ерітіндісін техникалық сумен алмастырумен тығыздау арқылы қымталуға тексеріледі (соның ішінде минералдандырылған);

3) пайдалану бағанасы су деңгейін төмендетумен қымталуға қосымша сыналады;

4) тығыздау әдісімен бағаналарды қымталуға сынау кезінде құбырларға әсер ететін ішкі қысым ГМСК және ашық атқыманы жою кезінде, ұңғыманы сынау және пайдалану кезінде пайда болуы мүмкін қысымнан 10% кем емес асады;

5) бағана қымтауға сынау жоспарында көрсетілген кезеңнен соң, 30 минут ішінде тығыздау қысымы 5 кгс/см² көп емес төмендеген болса (0,5 МПа) қымталған деп саналады;

6) кондукторда және оларда бірге орналасқан өртке қарсы жабдығымен аралық бағана цементті стақанды бұрғылаудан және табанынан 1-3 м шыққаннан кейін, түсіру тереңдігінен 10-20 м жоғары көтерілуін қамтамасыз ететін көлемде су құюмен қайтадан тығыздалады;

7) цемент жүзігін тығыздау қысымы ұңғыма сағасын жабу, ГМСК жою және ашық атқыма кезінде бағананың қымталуын қамтамасыз ету жағдайымен анықталады;

8) газды және газ конденсатты кен орындарында, жоғары газ факторы (200 м³/т асатын), күкіртсутегі бар мұнай ұңғымаларында бағана ұшымен және ТҚЖ бағананың сағалық бөлігі сумен тығыздағаннан кейін жобаға сәйкес қысыммен, инертті газбан (азотпен) қосымша тығыздалады;

9) бағана аралық кеңістікті тығыздау әдісі, көрсеткіштері және технологиясы технологиялық регламентпен белгіленеді;

10) ұңғыма сағасындағы бағана аралық кеңістік алдыңғы бағананың қалған беріктігінен аспайтын қысымға және бағанадан тыс кеңістіктің цементті тасты қысу беріктігіне сумен немесе қатпайтын сұйықпен тығыздалады;

11) тығыздау сұйығының тығыздығы обсадты бағаналарды сыртқы қысыммен қысу мүмкіндігін алдын алатын деңгейге дейін, артық сыртқы қысымдарды өтеу есебінен анықталады.

12 - тарау. Тастамаға қарсы жабдықты

құрастыру және пайдалану
248. Кондукторды және аралық бағананы түсіргеннен кейін, өнімдік деңгейжиектерді аршу және ГМСК мүмкіндігі қарастырылатын бұрғылау кезінде пайдалану бағанасына ГМСК қауіптілігімен жұмыстар жүргізу кезінде аршылған өнімдік деңгейжиекте тастамаға қарсы жабдық орнатылады. Обсадты бағаналар бағаналы ұшпен жабдықталады.

Бағаналы ұштың отырғызу фланеці кондукторға бұрандалы құрамаға орнатылады.

Бағана ұшының, превенторлар блогының және манифольдтың жұмыс қысымы жобада анықталады және ГМСК немесе ашық атқыманы жою үшін қауіпсіздік коэффициентін ескере отырып, ұңғыманы бұрғылаудың әрбір кезеңіне есептелетін, обсадты бағананы қымталуға тығыздаудың шекті қысымынан кем емес құрайды.

ГМСК қауіптілігі болған жағдайда кондуктор аралығындағы бағыт диверторлы қондырғымен жабдықталады.

Саға жабдығын құрастыру, пайдалану және техникалық қызмет көрсету дайындаушының құжаттамасына және техникалық жағдайларға, технологиялық регламентке сәйкес жүзеге асырылады.

249. Сағаның жабдығы үшін ұйыммен құрастыру сызбасы жасалады.

Сағаның жабдығының сызбасы дайындаушының құжаттамасына және геологиялық-техникалық жағдайларға сәйкес технологиялық регламентте көрсетіледі.

250. Сағаның жабдығының сызбасы бұрғылау тәжірибесі, жергілікті жердің кедірлігі, бұрғылау жабдығының, коммуникациялардың орналасуы ескеріле отырып жасалады.

251. Бұрғылау басталар алдында бұл сызбаны АҚҚ өкілдері қарайды.

252. Нақты сызбада ГМСК және ашық атқыманы жою кезінде жұмыс қауіпсіздігін жеңілдету мақсатымен, сағаның жабдығының, манифольдтың, құбырлардың, сепараторлардың, шамшырақ қондырғысының құрамына кіретін элементтер, ажырату науасы көрсетіледі және белгіленеді.

253. Тұншықтыру және ұнтақтау блоктарынан желілер ұңғыма сағасынан еңіспен тіреулерде және оларға бекітулерде өндірістік және тұрмыстық құрылыстардан басқа жаққа жіберіледі. Желілер және оларда орнатылған қапсырмаларда орталықты әкетудің ішкі диаметрімен бірдей, ішкі диаметрі бар, қапсырмалардың блогынан кейін олардың диаметрін 30 мм көп емес үлкейтуге жол беріледі.

Әкетулердің соңынан барлық коммуникациялар мен құрылыстарға дейінгі қашықтық ұңғымалардың барлық санаттары үшін 100 м кем емес құрайды.

254. Желілердің ұзындығы келесідей қабылданады:

200 м³/т кем газ факторымен мұнай ұңғымалары үшін – 30 м кем емес;

Шашатын негізден немесе шектелген алаңдардан құрастырылатын ұңғымалар үшін әкетулердің ұзындығы және бағыты жобада қауіпсіздікті қамтамасыз ету ескеріле отырып белгіленеді;

200 м³/т асатын газ факторымен мұнай ұңғымалары үшін, газды және барлау ұңғымалары үшін – 100 м кем емес.

255. Ұнтақтау және тұншықтыру блоктарында орнатылатын манометрлер тастамаға қарсы жабдықты және обсадты бағананы бірге тығыздаудың қысымынан 30 % асатын, өлшеу диапазонының жоғарғы шегі бар.

256. ТҚЖ, бағаналы ұшты, манифольдты құрастыру, ауыстыру және жөндеу үшін техникалық құжаттамасы бар элементтер мен бөлшектер қолданылады.

АҚҚ келісе отырып бекітілген салалық стандарттарға сәйкес жеке бөлшектерді және желілерді қолдануға жол беріледі. Дайындалған желілер мен бөлшектердің куәліктері болады.

257. Превенторлармен және гидравликалық қапсырмаларды басқару үшін негізгі және қосымша құрылғы орнатылады.

Негізгі басқару құрылғысы ұңғыма сағасынан 10 м кем емес қашықтықта ыңғайлы және қауіпсіз жерде орналасады.

Қосымша құрылғы тікелей бұрғылаушы құрылғысының жанында орнатылады. Ол өнімдік газ мұнай су көрінетін қабаттар ашылған кезде жедел дайындық режиміне қосылады.

258. Бұрғылау бұрғылау құбырларының диаметрі бойынша ауыстырғыштармен кем дегенде екі шарлы крандармен қамтамасыз етіледі. Біреуі жұмыс құбырының және оның қорғаныс ауыстырғышының арасында орнатылады, екіншісі қосымша болып табылады.

Құбылмалы жоғары қысымымен газ қабаттарын және күкірт сутегі бар қабаттарды ашу кезінде бұрғылауда үш кран орнатылады. Бір шарлы кран жұмыс құбыры мен вертлюг арасында, екіншісі – жұмыс құбыры мен бұрғылау бағанасы арасында орнатылады, үшіншісі резервті болып табылады.

Барлық шарлы крандар ашық күйде болады. Бұрғылау бұрғылау құбырларының диаметрі бойынша ауыстырғыштармен кем дегенде екі кері қақпақтармен және оларды ашық күйде орналастыру үшін құралдармен қамтамасыз етіледі.

Шарлы крандар, ауыстырғыштармен, апаттық құбырмен жинақтағы кері қақпақтар тығыздалады, ауысым сайын және орналастыру алдында ашылуға және жабылуға тексеріледі. Бұрғылау ерітіндісін айналдыру кезінде шарлы крандар ашық күйде болады.

259. Превенторлар орталықтарымен және тамырлы қапсырмаларымен бірге ұңғыма сағасына орналастырғанға дейін куәлікте көрсетілген жұмыс қысымына сумен, ал дәнекермен және механикалық өңдеумен байланысты жөндеуден кейін – сынама қысымға тығыздалады.

Кесетін плашкаларымен превентор қабырғада плашкалардың жабық күйінде жұмыс қысымына тығыздалады, ал превентордың жұмысқа қабілеттілігі плашкаларды ашу және жабу арқылы тексеріледі.

260. Превенторлы қондырғыны құрастырғаннан немесе кезекті обсадты бағананы, соның ішінде жасырын түсіргеннен кейін цементті стақанды бұрғылауға дейін превенторлы қондырғы жоғары қысымды манифольдтардың соңғы қапсырмаларына дейін обсадты бағананы тығыздау қысымына сумен немесе азотпен тығыздалады.

Лақтыру желілері соңғы қапсырмалардан кейін келесі қысымға сумен тығыздалады:

5 МПа (50 кг/см²) – 21 МПа дейінгі қысымға есептелген ТҚЖ үшін (210 кгс/см²);

10 МПа (100 кгс/см²) – 21 МПа жоғары қысымға есептелген ТҚЖ үшін 21 МПа(210 кгс/см²).

Тығыздау нәтижелері актімен рәсімделеді (8 - қосымша).

261. Құрастыру сапасын және тығыздау нәтижелерін тексеру нәтижелері бойынша, актіде көрсетілген оң қорытынды кезінде бұрғылау ұйымының техникалық басшысы немесе объектінің басшысы ұңғыманы бұрғылау немесе сынау бойынша жұмыстар жүргізуге рұқсат береді.

262. Плашкалы превенторлар ТКО, қабаттарды аршу алдында, апаттар мен өзге де нормадан ауытқушылықтарды жойғаннан кейін, кезең сайын ашылуға және жабылуға тексеріледі. Тексеру кезеңдігі бұрғылау ұйымымен, алайда аптасына бірден кем емес белгіленеді.

263. Превенторлардың, манифольдтың, арматураның, әкетулердің бөлшектері мен элементтерін ауыстыру кезінде және жөндеуден кейін акт жасау арқылы қосымша тығыздау жүргізіледі.

264. Превенторлардың құбыр плашкалары бұрғылау құбырларының диаметріне сәйкес орнатылады. Диаметрлері әр түрлі болғанда сағаны қымтау үшін диаметрі және техникалық сипаттамасы бойынша бұрғылау бағанасының жоғарғы секциясына сәйкес келетін, ауыстыру, шар краны немесе кері қақпағы бар тығыздалған бұрғылау құбыры қолданылады.

Бірегей плашкалар кесетін плашкаларымен превентор болмаған жағдайда, төменгі превенторда орнатылады.

Обсадты бағананы түсіру алдында және әмбебап превентордың ГМСК немесе ашық атқыма кезінде күтілетін сағалық қысымға сәйкес еместігі кезінде обсадты құбырлардың диаметріне сәйкес келетін құбыр плашкалары орнатылады немесе қабылдау көпірлерінде сәйкес қысымға тығыздалған және қызыл түске боялған, ашық күйде обсадты құбырлар, шарлы кран немесе кері қақпақ астында ауыстырғышпен бұрғылау құбыры болады.

265. Қызмет көрсетуші персоналдың сағада орнатылған тастамаға қарсы жабдыққа кедергісіз рұқсаты үшін бұрғылау астында қатты төсем, , ТҚЖ, құбырларды ластану мен зақымданудан қорғауға, бұрғылау ерітіндісін жинауға арналған құрылғы орнатылған.

268. Бұрғылау ерітіндісінің тығыздығы ұңғыма забойына гидростаттық қысым және келесіден аз емес көлемге жобалық қабатты қысымнан асатын, өнімдік деңгейжиекті ашу қарастырылады:

1) 10-15% - 1200 м дейінгі тереңдіктегі ұңғымалар үшін (0-ден 1200 м дейінгі қашықтық), алайда 1,5 МПа көп емес (15 кгс/см².);

2) 5-10% - 2500 м тереңдіктегі ұңғымалар үшін (1200-ден 2500 м дейінгі қашықтық), алайда 2,5 МПа көп емес (25 кгс/см²);

3) 4-7% - 2500 м көп тереңдіктегі ұңғымалар үшін (2500м-ден жобалық тереңдікке дейінгі қашықтық), алайда 3,5 МПа көп емес (35 кгс/см²).

Гидродинамиканы ескере отырып, бұрғылау ерітіндісін айналдыру кезіндегі рұқсат етілген репрессия мен қысымның үлкендігі гидро ыдыраудың алдын алу немесе аралықта бірігетін геологиялық-техникалық жағдайларды сіңіру жағдайынан анықталады.

Қиындықтар, тұрақсыз және ағымдағы деңгейжиектер аралығында бұрғылау ерітіндісінің тығыздығы және көрсеткіштері, құрамы ұңғыманы бұрғылау және бекіту кезінде оқпанның тұрақтылығын қамтамасыз ету жағдайына байланысты белгіленеді.

269. Бұрғылау ерітіндісінің айналымында болатын тығыздықтың жобамен белгіленген шекті мөлшерден ±20 кгс/м³ (0,02 г/см³) көп ауытқуға жол берілмейді (газдан босатылған ерітінді өлшемі бойынша), қияндықтарды, ГМСК, ашық атқыманы жою кезіндегі жұмыстардан басқа.

270. Бұрғылау ерітіндісін химиялық реагенттермен және ауырлатқыштармен өңдеу таңдалып алынған әдіске сәйкес жүргізіледі және журналға тіркеледі.

271. Газ мұнай сумен қоректендірілген қабаттарды аршу кезіндегі бұрғылау ерітіндісінің тығыздығы бірігетін жағдайлардың аралығында қабатты қысымның шекті шекарасымен деңгейжиектер үшін анықталады.

272. Қиындықтар, ГМСК, бұрғылау құралының отыруы немесе созылуы белгілері анықталған жағдайда ерітіндінің тығыздығы мен көрсеткіштерінің тиімді мәні жұмыс жетекшісінің нұсқауы бойынша, ақырын өзгерту кезінде анықталады.

273. Зиянды заттарды дайындау, өңдеу, ауырлату, тазалау, бейтараптандыру және газсыздандыру құрамы мен әдістемесі жобада, технологиялық регламентте көрсетіледі, техникалық басшымен бекітілген кестеге сәйкес бұрғылау және ұңғыманы салуға авторлық қадағалау жүргізу кезінде бұрғылау және жобалау ұйымының мамандарымен бақыланады.

275. Ұңғыманы бұрғылау және жуу кезінде бұрғылау ерітіндісінің көрсеткіштері (қасиеттері) келесі кезеңдікпен бақыланады – тығыздығы және шартты тұтқырлығы 10-15 минуттан кейін; температурасы, сүзу, құмның құрамы, коллоидті фазаның құрамы, рН, СНС_1/10 және реологиялық көрсеткіштері (тиімді тұтқырлығы және жылжудың динамикалық кедергісі) - әрбір 4 сағат сайын. Құрамында газ бар деңгейжиектерді бұрғылау кезінде ұңғымадан тығатын және газсыздандырудан кейінгі бұрғылау ерітіндісінің тығыздығы әрбір 5 минуттан соң өлшенеді, қалған көрсеткіштер жоғарыда аталған кезеңдікпен өлшенеді.

Газ көрсеткіштерін және газдың құрамын бақылау геологиялық-техникалық зерттеулер станциясымен тұрақты режимде немесе бұрғылау, түсіріп-көтеру операциялары, ұңғыманы жуу, өңдеу және бекіту кезінде, қиындықтарды, ГМСК апаттарын, ашық атқымаларды жою кезінде газ талдағыштармен жүргізіледі. Нәтижелері журналға жазыла отырып, дереу жұмыс орындаушыға, объект басшысына және белгіленген тәртіпте ұйымның басшысына хабарланады.

276. Бақылау нәтижелері бойынша бұрғылау және жобалау ұйымдарының мамандары объект басшысына және жұмысты орындаушыларға бұрғылау ерітіндісі көрсеткіштерінің жобаға және нақты геологиялық-техникалық жағдайларға сәйкестігі бойынша ұсыныстар ұсынады.

277. Бұрғылау ерітіндісін газсыздандыру кезінде газсыздандыру жүргізіледі, флюидтің келу себептері анықталады және САЖЖ ескере отырып, қорғаныс және газдалуды бақылау құралдарын қолдана отырып жұмыс жетекшісінің нұсқауы бойынша шаралар орындалады.

278. Бұрғылау ерітіндісін ауырлату айналма кезеңі кезінде ақырын жүргізіледі.

279. Бұрғылау ерітіндісін бұрғыланған жыныстан және көмірсутегілерден тазалау ұңғыманы салуға жобамен қарастырылған, құралдар кешенімен жүзеге асырылады.

280. Қабатты қысымы гидростаттықтан жоғары өнімдік немесе құрамында газы бар деңгейжиектерді ашу алдында бұрғылау ұңғыманың 1,5 көлемі мөлшерінде жұмыс ерітіндісімен және бір көлемде қор ерітіндімен қамтамасыз етіледі.

Журналда тіркей отырып, көрсеткіштерін үнемі бақылау және жұмыс және қордағы ерітіндіні араластыру жүргізіледі.

281. Бұрғылау ерітіндісінің құрамдас бөлшектері сертификаттармен және қолдану бойынша құралмен қамтамасыз етіледі. Зиянды заттар болған жағдайда зертханада токсикологиялық сараптама жүргізіледі.

292. ТКО жылдамдығы гидродинамикалық қысымның рұқсат етілген құбылысы ескеріле отырып, жобамен реттеледі. Бұрғылау ерітіндісінің технологиялық қасиеттері жобадан ауытқыған жағдайда өзгертулер енгізіледі.

294. Сифон немесе айналу болған жағдайда бұрғылау бағанасын көтеруге жол берілмейді. Олар пайда болғанда көтеруді тоқтату, бұрғылау құбырларының бағаналарын айналдыру және ажыратумен ұңғыманы шаю.

Сифонның ағу себептерін жою мүмкін болмаған жағдайда құбырларды көтеру шығарылатын және құйылатын бұрғылау ерітіндісінің, гидростаттық қысымның сәйкестігі қамтамасыз етілетін жылдамдықта жүргізіледі.

295. ТКО кезінде бұрғылау бағанасын отырғызу немесе ұстау белгілері анықталған жағдайда объект басшысын құлақтандырумен, жұмыс жетекшісінің нұсқауы бойынша ұңғыма оқпанын шаю және өңдеу жүргізіледі.

Бұдан әрі жұмыстар АЖЖ, қауіпсіздік талаптарын қамтамасыз ету кезіндегі нақты геологиялық-техникалық жағдайлар ескеріле отырып орындалады.

296. Газ таситын және бұрғылау ерітіндісін сіңіруге бейім қабаттарды ашу кезінде бұрғылау бағанасын түсіру және көтеру өтетін деңгейжиектердің гидроыдырауының пайда болу және қабаттан ағынды шақыру мүмкіндігін төмендету мақсатында, төмендетілген жылдамдықта жүргізіледі.

297. Бұрғылау, өңдеу кезінде және аяқталғаннан кейін жетекші құбырды және бұрғылау бағанасын аралықта көтеру бірінші жылдамдықта жүргізіледі.

298. Бұрғылау ерітіндісінің құйылуы және ГМСК белгілері анықталған жағдайда ТКО тоқтатылады және технологиялық регламентке, АЖЖ сәйкес сағаны қымтау жүргізіледі. Бұдан әрі жұмыстар объект басшысының тапсырмасы бойынша орындалады.

299. Ауырлатылған бұрғылау құбырларын түсіру және бұрғылау құбырларын ұңғымаға түсіру кезінде олардың бұрандалы құрамалары технологиялық регламентпен белгіленген, рұқсат етілген бұрау кезеңінің көлемін манометр көрсеткіштері бойынша сақтай және қосылатын элементтер арасындағы бос орынды бақылай отырып, машина немесе автоматты кілттермен соңына дейін бекітіледі.

Бұрғылау бағанасын көтеру және түсіру кезінде оны айналдыруға жол берілмейді.

300. Шурфке жетекші құбырды орналастыру құралдардың көмегімен жүргізіледі (авто тасымалдау, бағыттаушы науа).

301. Бұрғылау бригадасы ауысым сайын журналға жазу арқылы, түсіріп-көтеру жабдығының жағдайына алдын ала қарауды жүзеге асырады (білікті блокты, ілмекті, ілмек-блокты, вертлюгті, штропты, білікті арқанды және бекітуге арналған құрылғыны, элеваторларды, спайдерлерді, қорғаныс құрылғыларын, одақтасуды).

302. ТКО кезінде бұрғылаушы, вахта мүшелері білікті блоктың, түсіріп-көтеру жабдығының және құралдың, бұрғылау бағанасының жағдайына үнемі көзбен шолып бақылауды жүзеге асырады.

303. ТКО үзілісі кезінде ұңғыма сағасы ұңғымаға бөтен заттардың түсуінен жабылады.

304. Орналастыру кезінде бұрғылау құралының шамдары құлаудан сақтандырылады.

305. Көтеру және білікті жүйенің жүктемесі кезінде бұрғылау шығырының жылдамдығын ауыстыруға жол берілмейді.

306. Жетекші құбырды көтеру забойдан бұрғылау ерітіндісі шыққанға және құбыр және құбырдан тыс кеңістікте тығыздық тұрақтанғанға дейін ұңғыманы шайғаннан кейін бірінші жылдамдықта жүргізіледі.

307. ТКО жүргізу кезінде келесіге жол берілмейді:

ротордың көмегімен бұрғылау құбырларының шамдарының бұрандалы құрамаларын және бұрғылау бағанасын жинақтаудың өзге элементтерін ажыратуға;

білікті блок толық тоқтатылғанға дейін элеваторды ашуға және жабуға;

бұрғылаудың жұмыс алаңы және қабылдау көпірі маңайында бұрғылау (обсадты) құбырларын ауыстыру кезінде төңкерілген (жарма астына) элеваторларды қолдануға;

Құйылуды жою мүмкін болмаған жағдайда көтерілу жылдамдығы шектеледі және шығарылатын және құйылатын ерітінді көлемінің сәйкестігі қамтамасыз етіледі.

324. ТКО жүргізу жұмыс жетекшісінің нұсқауы бойынша жүргізіледі, жедел дайындық режимінде технологиялық регламентке және АЖЖ сәйкес бұрғылау құбырларын және сағаны қымтау үшін құралдар болады.