Лакку дуниял (ниттил мазрал лу)
жүктеу/скачать 2.46 Mb.
|
КIилчинмур бутIа Ва текст бувккуну, мурад буси. Аьли Къаяев (3) Тийхгу, Казахсттаннал Георгиевскалийгу, Аьли Къаяев, цала цачIун буллай ивкIсса энциклопедиялул бакIрачIан ци бувкIссарив къакIулну, та цIуницIакул сакин буллай ивкIун ур. Дмитрий Крючков тIисса танал чIаххуврай ялапар хъанай ивкIсса инсан хьуну ур Аьлил буллалисса захIматрал барану. Га буслай ур, цукун зий ивкIссарив лаккучу элмулуха. Къашавайсса къужа ивкIун ур бявкъусса къатлуву, микI ларчIсса щекьи [щиькьи:], чагъарду ччучлай, лархъсса цIарай дассан дуллай, зий. Цуксса захIматсса тагьарданий чичлай ивкIссарив ва лу, цамур цичIав бакъа, ца укунсса затралгума барашин дуллай дур. Чичинсса чагъар бакъа уну, ванал цалла чичрурдан аьркин дурну дур личIи-личIисса чагъардал чIапIив – бланкарду, ведомостьру, щиллив чичлай ивкIсса чагъарданул бачIину ливчIсса чагъар, хIатта татар мазрайсса бувчIавурттал бюллетеньну. Укун цана цува хъамаивтун, цалла чурххал цIуллушиврул тагьарданух къаурувгун, зий ивкIун ур аьлимчу. Аьли ляличIину за дакIний личIайсса инсан ивкIшиврул барашинну хъанай дур, Дагъусттаннай сакин буллай ивкIмур лугу, тийх, Казахсттаннай, сакин буллай ивкIмургу, хъис личIишиву дакъа, лавхьхьусса бушиву. Буттал кIанттул цIанийсса Хъун дяъви байбивхьусса чIумал жува кIицI увсса Дмитрий Крючков увххун ур АьличIан аьрайн гьаннин барчаллагь учин. Аьлил цахь: «Не бойся, главное, наша возьмет, живой домой приедешь», – увкуна, тIар Крючковлул. Цукунссса инсан ивкIун урив, тти зува ххал ара, совет хIукуматрайн инсантал иман дирхьуну бушиву кIулну, ганихлу дяъвилий жанну дишин хIадурну бушиву кIулну, гайксса цанма ккаккан бувсса хIукумат дунурагу, «наша возьмет», тIий ивкIун ур. Аьли Къаяев ивкIуну ур 1943-ку шинал декабрьданул 21-нний гъурбатрай. Аьлимчунаяту лирчIсса ирс хъинну хъуннасса дуссар. Амма му дунияллийн дахьра ттигъанну дуклан диркIунни. 2006-ку Москавлив итабавкьунни Аьли Къаяевлул «Лакку маз ва тарих» энциклопедия. Ургансса литература дакъа, ахттаршин дуллансса, чул бищунсса документру чIарав бакъа, анжагъ дакIний ливчIмур чичлай бувсса энциклопедиялул аваданшиврий тамаша буллай бикIай лубуккулт. Умуд бур, букканссар ганал чивчусса цаймигу луттирду, тIисса. Иншаллагь!
щекьи [щиькьи:] III (-рал) – чернила бар(а) I (-дул, -дулт, -дултрал) – свидетель барашин(на) III (-далул, -ну, -нал) – свидетельство щиллив – кем-то бувчIавуртту – выборы аьра II (-лул) – война аьрайн гьан – идти на войну ирс III (-ирал) – наследие дуснакь II (-рал, -ру, -ирттал) – тюрьма ахттаршин III (-далул, -ну, -нал) – исследование чул бищун – опираться, ссылаться лубукку I (-л, -лт, -лтрал) – читатель книги – 11
Ссаха зий ивкIун ур Аьли Къаяев тийх, Казахсттаннай? Циван ивкIун ур га Казахсттаннайгу энциклопедия сакин буллай? Цу хьуну ур Аьлил буллалисса захIматрал барану? Цукун дассан дуллай ивкIун ур Аьли микI ларчIсса щекьи? Цукунсса чагъардай чичлай ивкIун ур га? Хъинну лавхьхьусса бивкIун бурив Дагъусттаннай чивчумур ва Казахсттаннай чивчумур? Циван увххун ур Крючков АьличIан Буттал кIанттул цIанийсса Хъунмасса дяъви байбивхьусса чIумал? Ци увкуну бур аьрайн нанисса жагьилнахь Аьлил? Та ивкIуну ур Аьли Къаяев? Итабавкьуну бурив ганал чивчусса энциклопедия? Хъинну тамаша бизайрив лубуккултран ганал энциклопедия? Шамилчинмур бутIа Ва текст бувккуну, лахьхьи. Ибрагьиннул ва Бахул хъявринсса ччаврил хавар – Шуаьнат, Баху ци тIий биявав, Ибрагьим дяъвилийн нанишиву бавукун? – Му кIул хьунтIиссар хIакьинумур хаварданува. Цал ттун бусан ччива му хавар бавсса тагьардануя. – ТIайлар. – «Валлагь, хIалал къаитанна, Ибрагьим!» – ххярххун дур Аьйшат, му хавар бавукун. Амма ци банссия. Аьрайн гьантIиминнавух цIа чирчуну дунура, къаачирча, му кьюкьала хьун тIий диркIун дакъарив. ДуркIун дур ИбрагьиннучIан Асиятгу. «Вай, ттул кIивагу янил чаний, ина чапуртуращалсса дяъвилийн най усса урахха», – диркIун дур Асият. – Асият Ибрагьиннуй дакI цIий духьунссия. – Ци дикIави? Га диркIун дур лажиндарай ца тIий, махъачIил Иллал тIимур буллай. «Баху ккавкрив?» – куну, Ибрагьиннул цIувххукун, ганил увкуну бур: «Баху ина, цила гьалмахчув, дяъвилийн нанаврия хъунмасса пахрулий бия», – тIий. Асият укун тIий, Ибрагьим хъяврин анмур буллай диркIун дур. Га диркIун дур лавмартсса щарсса, лажинлякъу. Ганин Ибрагьиннулссаннуяр Иллал ччатI ганз бивзун, танахлу сукку тIий диркIун дия. – Бювхъунавав Ибрагьиннуща, цува ачиннин, Баху ккаккан? – Ганан цува ачиннин Баху ккаккан ччай бивкIун бур. Хьунугу бур ганан мукунсса тIайлабацIу. Бахул цIувххуну бур, мяйжаннугу найссарав ина аьрайн, куну. Ибрагьиннул му мяйжан бувну бур. «На вихь, хъинну бикIу, учин увкIра», – куну бур ганал. – Хъинну бикIу, учайхьунссар, личIи хъанахъийни. Див? – Ди. Гай личIи хьуну бур Бахул, чийх къабурган, Ибрагьиннул, чийх къаурган, махъру буллуну. Бахул ганахьхьун цила чивчусса чагъаргу буллуну бур. Чагъарданий назмурдай чивчуну бивкIун бия, цуппа цуксса къуману буссарив, Ибрагьим дяъвилийн най уну тIий. – ЧIявусса биявав, Ибрагьим кунма, дяъвилийн нанисса? – Лаккуя бувкIсса аьралуннал чIявуми ци-ци бунугу багьантту бувну, ливхъун бур. ЛивчIун бур Ибрагьим кунмасса Бакуйн бусурманнал леххаврий нанисса «пайханмарсса» жагьилтал.
Ибрагьиннуй дакI цIий – болея душой за Ибрагима хIалал итан – простить кьюкьала III (-лул) – позор лавмартсса – коварный лажинлякъу I,II,III (-л, -лт, -лтрал) – лицемер Выражение Ибрагьиннулссаннуяр Иллал ччатI ганз бивзун обозначает Хлеб Иллы [ей] показался толще, чем Ибрагимовский, т.е. [Ей] показалось выгоднее служить Илле, чем Ибрагиму махъачIил – за спиной, за глаза мяйжан бан – подтвердить хъинну (б,д)икIу – прощай, до свиданья чийх къа(б)урган – не изменить (не посмотреть на другого) махъ булун – дать слово пайханмар I (-нал, -тал, -турал) – 1) пророк; 2) чудак бусурманнал леххаврий – на выручку мусульман – 10 Упражнение Вай суаллан жавабру дула. Ци тIий диркIун дур Ибрагьиннул нину, га аьрайн нанисса бавукун? Ци хьун най бивкIун бур цIагу чирчуну дунура, аьрайн къаачирча? Цукунсса щарсса ляркъуну дур Асият? Га Ибрагьиннуй дакI цIий диркIун дуривкьай, лавмартну гъалгъа тIий диркIун дурив? Ккавккун бурив Баху Ибрагьиннун, цува аьрайн ачиннин? Циван увкIра цува БахучIан, увкуну бур Ибрагьиннул? Та учайссар «хъинну бикIу» ягу «хъинну икIу» – хьунабакьлакьийни ягу личIи хъанахъийни? Ци тIисса махъру буллуну бур Ибрагьиннул ва Бахул куннахьхьун куннал, личIи хъанахъийни? Чагъаргу буллуну бурив Бахул Ибрагьиннухьхьун, личIи хъанахъийни? Чагъар назмурдай чивчуну бивкIун буривкьай, прозалий чивчуну бивкIун бурив? Ливхъссагу хьуну бурив Лаккуя бувкIсса аьралуннава? Мукьилчинмур бутIа Ва бусала бувккуну, бусанмур ба. Лакку анекдотру. Акул Аьли хаварду Хъунна къур шашан кIункIур Ца адимина ивкIун ур Мирза-ккурчIав буслай: «Жул шяраву мукун хъуннасса къур хьунни, мукун хъуннасса къур. Муксса къур тачIав чувчIав диркIун дакъар. Арулва гьантта хьуна га къур рикIирттах кьукьлай, дарвагирттаву шардай духлай. ДачIи къур аьрщаравура лирчIун, ганий ччар дуллай буссар», – тIий. «Ваппабай, хъунмасса хавар! – куну, аьличIан увну ур га Акул Аьлил. – Жул шяраву арулцIала муххал усттар уссия ца кIункIур буллай. Усттартурал дянив ца-ца километра манзилданул дия. Мунияту ца усттарнал кьютIилттул кьутI ганал чIаравманан баллай бакъая», – куну. – Мукун хъунмасса кIункIур ссан аьркинссар? – куну, цIувххуна таманал. – Зул шяраву мукун хъуннасса къур хьусса бавну, му шашансса кIункIур бан пикри хьуна, – чайва, тIар, Акул Аьлил.
рикI III (-ирал, -ру, -ирттал) – топор дарваг II (-рал, -ру, -ирттал) – мешок личIан (ливчIун I,II, лирчIун; личIу) – остаться ччар III (-нил) – молотьба кIункIур II (-данул, -ду, -дал) – котел; кастрюля манзил II (-данул) – расстояние кьютIил(у) III (-ттул, -тту, -ттал) – молоток кьутI II (-лил) – стук – 6
ХьхьичIмур дарсирай жува лахьхьарду рухI дусса затру душиву кIира журалул – ххяххияртту ва хIайвант. Муниярвагу хьхьичI жува кIул хьуру цаппара ичIаллил хIайвантирттащал. Ва дарсирай жура гьарта данну жулла хIайвант кIулшиву. Жунма кIулли хIайвант бикIайшиву урттулсса дукаймигу, дикIулсса дукаймигу. Му багьайссар ичIаллил хIайвантирттайнгу, вахIшиминнуйнгу. Ав, бюрх, бюрни, варани, ку, тта, гьинта, оьл, ниц, къяча, бугъа, дунгъуз, буркI, пил, ттукку, кьяца, цIуку, чу, айгъур, ккацца, балчан – вай урттулсса дукайми хIайвантри. Ккаччи, барцI, цулчIа, цуша, цIиникь, аслан, къаплан – вай дикIулсса дукайми хIайвантри. Бюрх анаварну лихъайсса хIайван бур. Амма бурцIил бюрх бувгьунни. Утти бурцIил га букантIиссар. Асландалухьхьун гьинта биривунни. Ганил гьинта канай бур. Циван къабуканссар гьинтлул дикI нахIуссархха! Цукунсса хIайванни кIулу – дикIулсса дукаймурдивкьай, урттулсса дукаймурдив? КIулу – му дирирмур дукур, мунил урттулссагу дукайссар, дикIулссагу дукайссар. Жу кIуллун кIуллукъатIа бизарду.
вахIшисса – дикий вахIшими – дикие багьан – зд. иметь отношение, касаться Му багьайссар ичIаллил хIайвантирттайнгу, вахIшиминнуйнгу. – Это касается и домашних животных, и диких ав II (-лул, -рду, -рдал) – горный тур бюрх II (-хул, -ру, -хурдил) – заяц бюр(ни) II (-унттул, -унттив, -унттал) – олень варан(и) II (-ттул, -тту, -ттал) – верблюд ку II (-йл, -нни, -ннал) – баран тта II (-л, -рду, -рдал) – овца гьинт(а) II (-лул, -ри, -рал) – газель ниц (-ал, -ру, -ал) – вол къяч(а) II (-лул, -ри, -рал) – бык бугъ(а) II (-лул, -ри, -рал) – бык дунгъуз II (-рал, -ру, ирттал) – свинья буркI II (бурчIал, -ру, -бурчIал) – кабан пил II (-данул, -лу, -лал) – слон цIуку II (-ул, цIуртти, цIурттал) – коза айгъур II (-данул, -ду, -дал) – жеребец ккац(ца) II (-лул, -ри, -рал) – кобыла балчан II (-данул/-нул, -т, -трал) – конь барцI II (бурцIил, -ру, бурцIурдил) – волк цулчIа II (цулкIлул, цулкIри, цулкIрал) – лиса цуша (цухьлул, цухьри, цухьрал) – медведь цIиникь II (-рал, -ру, -ирттал) – тигр аслан II (-далул, -т, -трал) – лев къаплан II (-далул, -ну, -нал) – лев кIул(у) II (-лул, -ли, -лал) – мышь кIуллукъатI(а) II (-ул) – мышеловка дирирмур – все, что попалось дирирмур дуку – всеядное (все, что попавшее, едок) – 24 Упражнение Вай суаллан жавабру дула. Цукунсса кIива жура буссар хIайвантрал? КIицI ба урттулсса дукайми хIайвант. КIицI ба дикIулсса дукайми хIайвант? Анаварну лихъайсса хIайван бурив бюрх? Ссал бувгьуну бур бюрх? Буканссарив бурцIил бюрх? Асландалухьхьун ци дирирди? НахIуссарив гьинтлул дикI? Цукунсса хIайванни кIулу урттулсса дукаймурдив, дикIулсса дукаймурдив, ягу дирирмур дукаймурдив? Ци дирзун дур кIуллун?
ХIакьину хъуннасса бусурман байранни. ХIакьину кьурван биххай кьинир. Ва байран дайссар хIаж къуртал шай кьини. Му дайссар, Ибрагьим идавсил Аллагьнан цIакуну [цIă:куну] хIайван биххаву дакIнийн дутлай. Кьурвандалун биххайссар я яттил, я гъаттарал хIайван, ягу варани. Кьурван бансса хIайван бикIан аьркинссар ккаккан бувсса оьрмулул, цукунчIавсса аьй, яъни диял дакъашиву, дакъасса. Жул бутталгу лавсунни кьурван бансса хIайван. Га бия бучсса ку. ИлтIасса хIайван биххангу къалайкьрича. Амма буттал лавсмур бия бучва-бучсса, загълунсса хIайван. Ганий дия чанна-чанну 40 кг кIушиврул. Ца уттуллуй духьунссия 8-10 кг. Кьурван биххан буттал оьвкуна чIаххувчунайн. Ганалгу га бивххуна, багьайсса дуаьрттугу дурну. Эбадатрал ккаккан бувсса куццуй, кьурвандалун бивххусса хIайвандалул шанма бутIул кIива бутIа мискин-гъаривнан цадакьалун бавчIуна, шанма бутIул ца бутIа кулпатрансса дукралун ишла бувна.
кьурван байран – праздник жертвоприношения кьурван биххай кьини – праздник жертвоприношения хIаж II (-лил) – хадж, паломничество в Мекку цIакуну – посвятив гъаттарал хIайван – животное-представитель крупного рогатого скота аьйплу къавхьусса – не увечный (б,д)учсса – жирный, толстый илтIасса – худой загълунсса – здоровый, крупный, мускулистый кIушив(у) III (-рул) – тяжесть уттул(у) II (-лул, -лив, -лал) – курдюк лайкьсса – достойный бачIин (бавчIуну; бачIи) – делить мискин-гъарив I (-нал, -тал, -турал) – бедняк – 11
ХIакьину ци байран дур? Кьурван биххай кьини хъуннасса байраннив? Та дикIайссар Кьурван байран? Ци дакIнийн бутлай дайсса му байран? Ци диххайссар кьурвандалун? Цукунсса бикIан аьркинссар кьурван бансса хIайван? Бучсса бияв буттал лавсъсса ку? Хъинну бучсса бияв га? Лайкьрив илтIасса хIайван биххаву? Цуксса кIушиву духьунссия ганий? Хъунмасса бияв ганил уттулу? Цукун бачIайссар кьурвандалун бивххусса хIайван?
– Шуаьнат, хIакьину на вихь бусанна лакралгу, дагъусттанналгу тарихраву яла агьаммур талатаврияту. – Му духьунссар Надирдул ва Чулахъ-Сурхай-ханнал аьралуннал дянивсса талатаву. – Анавар мабуккара. Чулахъ-Сурхай-ханнаща цащавалу Надир ух ан къашайшиву жунма ккавккунни. Дагъусттаннайн шамилчингу ххяхханнин, Надирдул цува Ираннал шагь хъанахъишиву баян бувну бур. Шагь шайхту, ххявххун авгъаннайн, тай мютIий бувну бур. Яла Гьиндусттаннайн ххявххун, та билаят канихьхьун лавсун бур. Яла увкIун ур Дагъусттаннайн. Танал мурад бивкIун бур, гьич цайнма мютIий хьун къаччисса Чулахъ-Сурхай-хан ва ганал арс Муртаза-Аьли-баг мютIий бан. – Муртаза-Аьли-баг мукун машгьурсса инсан ивкIун урив? – Ур. Цала буттащал архIал душмантуращал талай, га хъинну машгьур хьуну ивкIун ур. Ганайн халкьуннал Хан-Муртаза-Аьли учайсса бивкIун бур. – Га хан хьунугу ивкIун урив? – Акъар. Амма агьалинавусса сий хъуннасса дуну тIий, учайсса бивкIун бур гайнайн, Хан-Муртаза-Аьли, куну. 1741-ку шинал Надир-шагьнал аьрал бувкIун бур Лаккуйн. Чулахъ-Сурхай-хан цал уттигу ух хьуну ур. Цащава шагьнащал лаян къашайшиву бувчIукун, ганал цала арсру Яруссаннайн зунттал агьлу гьаз бан гьан бувну, цувама шагьнал канийн ясир хьуну лавгун ур, дяъви къуртал хьу мишан дан. Надир-шагь мяйжаннугу дяъви къуртал хьусса ххай ивкIун ухьунссия. Ганал биялсса хIал бувну бур Гъази-Гъумук. Анжагъ махъату, Чулахъ-Сурхай-ханнал арсру цачIанма къабукIлай бухьувкун, бувчIуну бур ганан цува хъяврин уллалишиву. Му чIумал Хан-Муртаза-Аьли ивкIун ур, ххюазара бурттигьу усса кьюкьлущал Яруссаннайн лавгун, душманнащал биян зунттал агьлу цачIун буллай. – Муртаза-Аьли аьрал батIин къаитан Надир-шагьнал цичIав къабувну бурив? – Муртаза-Аьли Яруссаннай аьрал батIлай ушиву бавукун, Надир-шагь авчуну ур тихун. ТтурчIайнна-зунттуй къуш бивщуну бур. Тичча ккавккун бур шагьнан тия чулий аьрал бавтIун бушиву. Хьуну дур талатаву. Цимигу гьантта хьуну бур гай биллай. Ахиргу, Дагъусттаннал миллатирттал цачIун хьу кьюкьри ялтту дурккун дур. Надир-шагьнал аьрал ливхъун бур. Амма Хан-Муртаза-Аьли дяъвилий дирсса щавурдал ивкIуну ур. Га увччуну уссар Гъумук. – Хъунмасса хIаллай най бивкIссарив ялагу Ираннащалсса дяъви? – Дяъви най бивкIссар ялагу цаппара шиннардий. ЧувчIав ух къавхьусса Надир-шагь Дагъусттаннан цичIав бан къахъанай ливчIун ивкIссар. 1747-ку шинал га ивкIуссар цала нукартурал. – Чулахъ-Сурхай-ханнал бакIрачIан ци бувкIссар? – Чулахъ-Сурхай-хан ишру кьабивтун, халват хьуну ур. Ханшиву дурккун дур ганал арс МахIаммад-ханнайн. ИвкIуну ур Чулахъ-Сурхай-хан 1748-ку шинал. Гихунмайсса лакрал тарихравунсса ссапар жува бахIанну хъиривми дарсирдай. – Хъинни. Барчаллагь, Зайнуттин. – Аллагьнал ябаннав! Махъру ва бувчIин бавуртту машгьурсса – знаменитый мишан дан – притвориться баг I (-нал, -тал, -турал) – ближайшие родственники шамхала или хана ва базилухгу – и на этот раз ясир I (-нал) – плен, пленник бурттигь(у) I (-ул, -алт, -алтрал) – всадник къуш II (-лил, -ру, -ал) – стоянка, становище къуш бищун – остановиться на привале ялтту (б,д)уккан – взять верх нукар I (-нал, -тал, -турал) – нукер, телохранитель ишру кьабитан – отойти от дел ханшиву дурккун дур (щийн-дунугу) – ханство перешло (к к.-л.) – 10
Цукунсса талатаврияту бусан най ур Зайнуттин Шуаьнатлухь? Ух ан хъанай ивкIун урив Чулахъ-Сурхай-ханнаща цащавалу Надир? Дагъусттаннайн шамилчинмур ссапар бахIиннин цува цу хъанахъишиву баян бувну бур Надирдул? Щийн ххяххан лавгун ур Надир, шагь шайхту? Авгъан мютIий бувну махъ, чун ххявххун Надир-шагь? Канийн лавсун бурив ганал Гьиндусттан? Ци бивкIун бур Надир-шагь Дагъусттаннайн шамилчин учIаврил мурад? Хъинну машгьур хьуну ивкIун урив Муртаза-Аьли-баг? Циван учайсса бивкIун бур ганайн, Хан-Муртаза-Аьли, куну? Та увкIун ур Надир-шагь Гъази-Гъумукун шамилчинний? Ух хьуну урив Чулахъ-Сурхай-хан ва базилухгу? Циван лавгун ур Чулахъ-Сурхай-хан Надир-шагьнал ясирну? Ци дуллай бивкIун бур му чIумал ганал арсру? Дяъви къуртал хьусса ххай ивкIун урив Надир-шагь? Цуксса хIал бувну бур ганал Гъумук? Цукун бувчIуну бур ганан дяъви къуртал къавхьушиву? Ци зий ивкIун ур Хан-Муртаза-Аьли Яруссаннайн лавгун? ЧIявусса бивкIун бурив ганал кьюкьлуву бурттигьалт? Ци къел дурну дур Надир-шагьнал Хан-Муртаза-Аьли аьрал батIлай Яруссаннай ушиву бавукун? Чув бивщуну бур къуш Надир-шагьнал? Ци ххал хьуну дур Надир-шагьнан тия чулий? Хъунмасса хIаллайсса хьуну дурив талатаву? Цу ххув хьуну ур му талатавриву? Ссал ивкIуну ур Хан-Муртаза-Аьли? Хъунмасса хIаллай бивкIун бурив дяъви мунияр махъгу? Цукун ивкIуну ур Надир-шагь? Щийн дурккун дур ханшиву Чулахъ-Сурхай-ханнал ишру кьабивтукун? Мукьилчинмур бутIа Ва бусала бувккуну, бусанмур ба. ХIинча Цал, Акул АьличIан увкIун, чIаххувчунал куну бур: – Аьлий, гьарахъун ттукку бахIин хIинча дулакьай, – куну. – ХIинчурай къама кьакьан бивхьуну ура, – куну бур Акул Аьлил. – ХIинчурай къама кьакьан бишайссарив? – куну, цIувххуну бур чIаххувчунал. – Дулун къаччисса чIумал ци учайссар, туну! – чайва, тIар, Акул Аьлил. Махъру ва бувчIин бавуртту хIинч(а) III (-урал, -ри, -рал) – веревка гьарахъун – на мельницу ттукку бахIин – привязать груз к ослу (букв. привязать осла) – 3 Ванийну мукьцIаллий урчIилчинмур дарс къурталссар. ЦIуллу-цIакь баннав! ХхюцIалчинмур дарс (дарс 50) Цалчинмур бутIа Ва текст бувккуну, лахьхьинмур ба. ХIайвант. Ущущулгъи ХIакьинусса дарсираяр тийнмай гьарца дарсирал цалчинмур бутIа хас бувну буссар уттарамур тIабиаьт лахьхьаврин. Гъира бакъаминнаща бюхъантIиссар вай дирсирдал цалчинми бутIри лях гьан битангу. РухI думур тIабиаьтраясса дарсру дайдихьлахьиссар ущущулгъилуяту. Шикку жу оьрмулуву чIявуну хьунабакьайми ущущулгъилун цIарду дуллуну дуссар. Зимиз ущущулгъир. Най ущущулгъир. МитIикьукьу ущущулгъир. МичIак ущущулгъир. МичIакрайн жимин, кунугу учайссар. Зимиз, най, митIикьукьу, мичIак, чIитI, суцI, чIимучIали, гъангъаратIи, хъацI, янначчуччу, бажанаттукку, барзукка, чIача, нувца, нацI – ми ущущулгъир. Зимизру, найрду, мичIакру, чIимучIалт, нувца, нацIру – ми леххайсса ущущулгъир. ЧIитIру, суцIру, гъангъаратIив, янначчуччулт, щиртри, аьнхъри, нацIру – ми ххярка тIими ущущулгъир. ХъацIру, чIакри – тIанкIа тIими ущущулгъир. Зимизирттал, митIикьукьултрал, мичIакирттал, чIитIал, суцIал, хъуцIурдил, нацIурдил кьацI учайссар. Найрал дачIу ритайссар. Буссар ущущулгъи инсаннайн эпидем азарду лахъан дайссагу. Лахъай азардал цал архIал чIявусса инсантал къашай бассар. Масалдаран, мичIакирттал баргъ лачIун байссар. Баргъ лачIаврийн, бургъил азар, кунугу учайссар. ХьхьичIава инсантурал пикрилий ущущулгъи бикIайссия шанма журасса: хайр бусса, хайр бакъасса ва заралсса. Масалдаран, найрду хайр буми ущущулгъия, цанчирча найрал ницI дайсса дуну тIий. МитIикьукьулт, бажанаттукри – ми хайр бакъами ущущулгъун ккаллиссия. МичIакру, хъацIру, чIитIру, зимизру, суцIру, нацIру – ми заралми ущущулгъилун ккаллиссия. Хайр буми ябувну, бакъами, миннуярвагу заралми кьатI бан хьуну, бикIайссия инсантал. Элмулул ккаккан буллай бур му къатIайласса теория душиву – тIабиаьтраву гьарцагу хIайвандалул цинма-цинмасса кIану бугьайшиву. Махъру ва бувчIин бавуртту хас бан – посвятить уттавасса – живой уттарасса – живая тIабиаьт III (-рал) – природа уттарамур тIабиаьт – живая природа лях гьан бан – пропустить ущущулгъи II (-лул) – насекомое зимиз II (-рал, -ру, -ирттал) – муха най II (-рал, -рду, -рдал) – пчела митIикьукьу II (-л, -лт, -лтрал) – муравей мичIак II (-рал, -ру, ирттал) – комар жимин II (-далул, -ну, -нал) – комар чIитI II (-лил, -ру, -ал) – клоп суцI II (-лил, -ру, -ал) – клещ чIимучIал(и) II (-ттул, -т, -трал) – бабочка нувц(а) II (-лул) – моль хъацI II (хъуцIулил, -ру, хъуцIурдил) – саранча баргъ лачIаву – малярия янначчуччу II (-лул, -лт, -лтрал) – гусеница бажанаттукку II (-л, бажанаттукри, -бажанаттукрал) – улитка барзукка III (-лул, -рду, -рдал) – стрекоза щира II (-лул, -три, -трал) – глист аьнхъ(а) II (-алул, -ри, -рал) – сороконожка ххярк II (-лил) – ползание ххярк (ххярка) тIисса – ползучий тIанкI III (-лил, -ру, -урдил) – прыжок тIанкI (тIанкIа) тIисса – прыгающий кьацI учин – кусаться дачIу III (-л, -рду, -рдал) – [пчелинное] жало дачIу ритан – ужалить азар III (-данул, -ду, -дал) – болезнь (азар) лахъан – передасться (о болезни) лахъай азар – эпидемическая болезнь заралсса – вредный, вредоносный ницI III (-ал) – мед – 28 Упражнение Вай суаллан жавабру дула. ЧIявусса буссарив дунияллий ущущулгъи? Зимиз, най, мичIак, жимин, бажанаттукку, чIимучIали, нувца, митIикьукьу, янначчуччу, барзукка, хъацI – ми ущущулгъирив? Миннуву цумири леххайми, цумири ххярк учайми? Буссарив тIанкI учайссагу ущущулгъи? Цуми ущущулгъилулли кьацI учайсса? ДачIу ритаймур ущущулгъилийн ци учайссар?
2002-ку шинал Ккуллал райондалийсса Хъювхъиял шяраву хъуннасса шадлугъ хьуна. Москавлив ялапар хъанахъисса ишбажаранчи Оьмари Кьаллаевлул ва машгьурсса композитор Ширвани Чаллаевлул хIарачатрайну сакин дурна лакку балайрдал фестиваль «Щунул щутталу – 2002» («Шунудаг-2002»). Оьмари Кьаллаевлул буттал шяраву Хъювхъ фестивальлу давансса амфитеатр бувна. Му бувна Хъювхъиял гьарца къатлувату, кьатIув къабувккунма, сахIналий хъанахъимур чIалансса куццуй. Фестивальданий гьуртту хьун бучIиссия цана ччиманан. Так аьрза булун аьркинссия, фестиваль дайдишинсса мутта бучIан кIира нюжмардуяр чIал къавхьуну. Фестивальданул дайдихьу дан тIурча ккаккан дурну дуссия июль зурул кIилчинмур хамис кьини. Фестивальданий дачин дуллалиссия шанна номинация: цалчинмур – лакрал халкьуннал балай щаллу баву, кIилчинмур – автор усса балай щаллу баву, шамилчинмур – муниннин тачIав щаллу къабувсса балай учаву. Гьуртту хьун ччими чIявусса хьуна. Сакиншиндалул комитетрайн бувкIуна кIиттуршуннийн бивсса аьрзарду. Гьуртту хьун ччисса бия шаннагу лакрал райондалияту. Ялагу тамансса бия аьрзарду Дагъусттаннал шагьрурдай ялапар хъанахъиминнаятугу. ХIатта Москавлиятугума бия гьуртту хьун ччисса.
ишбажаранчи I (-нал, -тал, -турал) – бизнесмен сахIна II (-лул) – сцена аьрз(а) II (-ирал, -арду, -ардал) – 1) заявление; 2) жалоба мутта II (-лул) – срок сакиншин II (-далул) – организация сакиншиндалул комитет – организационный комитет – 5
Ци хьуна 2002-ку шинал Ккуллал райондалийсса Хъювхъиял шяраву? Щил хIарачатрайну сакин дурна лакку балайрдал фестиваль? Ци дурна Оьмари Кьаллаевлул буттал шяраву фестиваль давансса? СахIналий хъанахъимур ча чIалансса куццуй бувна амфитеатр? Щин бучIиссия гьуртту хьун фестивальданий? Таниннин кьамул буллай буссия фестивальданий гьуртту хьун ччиминнал аьрзарду? Цими номинация дачин дуллалиссия фестивальданий? ЧIявусса хьунав фестивальданий гьуртту хьун ччими? Циксса аьрзарду бувкIуна сакиншиндалул комитетравун? Шаннагу лакрал районнаяту бияв гьуртту хьун ччими? Шагьрурдай ялапар хъанахъиминнаятугу бияв гьуртту хьун ччисса? Шамилчинмур бутIа Ва текст бувккуну, лахьхьи. Ибрагьиннул ва Бахул хъявринсса ччаврил хавар – Шуаьнат, лажинни, Ибрагьиннуща къавхьуну бурив, кьариртун гьарзатгу, Ттуплислив гьан? – Ххуллурду бавхIуну бунува, цукун гьанссия га мискин. Бивну бур гай Щурагьун. Гиччагу лавгун бур Анжилив. Анжилив тIурча му чIумал ятIул аьрал хьхьирийхчIин гьужум бувну най бивкIун бур. Гайннал цала жамирдаяту ттупал ккуллардал цIу лачIун дуллай бивкIун бур совет хIукуматрайн къарщиминнайн – имамнал кьюкьрайн, Деникинннул кIяламиннайн. ДакIниву совет хIукуматрахлу бунува, бяйкьуну, цалва биялалий бакъа, мунийн къарщиминнавун багьсса Ибрагьимгу, ганащал гиккува дус хьусса ЦIувкIратусса Аьлигу багьну бур тай ттупал ккуллардал чявхълулун. Гай махъунмай хъанай, махъунмай хъанай, бавчуну бур зунттал чулийнмай. Амма Ибрагьиннуйн ттуплил ккуллалул цIалцIи щуну дур. Хьуну дур куртIсса щаву. Бавчуну бур оь. Щаву дахIинсса цичIар дакъа, оьлицIал хъанан ивкIун ур Ибрагьим. – ОьлицIал хъанан, тIисса ци тIиссарар? – ОьлицIал хъанан, учайссар оь экьинай, оьттуцIа хъанахъаврийн. Ибрагьим ивкIун ур Аьлихь, утти ттун хьумур хьуннича, вила къайгъу ба, насу, тIий. Амма Аьли яхI-намус бусса инсан ивкIун ур. Ганал Ибрагьим кьаивтун акъар. Гагу ххюрхху лавсун най, Аьлил хъунмасса захIмат бувну бур. Оьнува хIал лавсукун, Ибрагьиннул, бувккун цала хъаражиплува чагъар, буллуну бур Аьлихьхьун: «Ва ттуйнма буцай душнил гьан бувсса чагъарди. ЧIун къахъанай ца-кIийла бакъа, ва буккинвагу къавхьуннича, буккила», – куну. Га бивкIун бур назмурдайсса ччаврил чагъар. Ганий бивкIун бур: «Ина лавгун мукьах хIасратрай бура, БурцIан цIими хьунну, язугъну бура, Чирахъ буна – цIаннай, баргъ буна – ххютуй, Бурандалул зунттуй хьхьи кунма бура», – тIий. РухIирачIа унува, Ибрагьиннул Алихь чичин дурну дур цалагу Бахуйн назмурдайсса жаваб. Укун, Баху итталух занай бунува, гъурбатрай рухI дуллуну дур Ибрагьиннул. – Бахул бакIрачIан ци бувкIссарар? Утти га Иллал щар буцинссар? – Буцинссар? – Туну. Гания Бахух эшкьи хьуну ия. – Му на вихь бусанна уттиний.
ххуллурду бахIин – отрезать пути Анжи (ягу Гьанжи) (-ллал) – старое горское название Махачкалы -лулун [багьан] – [попасть] под (ч.-л.) къайгъу II (-лул) – забота, попечение насу – иди (от данного места) яхI-намус – достоинство, честь, терпение ххюрхху ласун – тащить оьнува – очень сильно хъаражип – нагрудный карман хIал ласун – обессилеть хIасрат III (-рал) – страдание язугъ I (-нал) – бедолага язугъну – жалостливо, в жалостном положении рухIирачIа икIан – умирать, быть при смерти итталух занан – мерещиться, казаться рухI дулун – отдать душу бакIрачIан бучIан – случиться, стрястись – 13 Упражнение Вай суаллан жавабру дула. Бювхъуну бурив Ибрагьиннуща Ттуплислив гьан? Чун лавгун бур гай Щурагьату? Ци дуллай бивкIун бур Анжиллан ятIул аьрал хьхьирил чулуха? Ссал лачIун дурну диркIун дур жамирдаясса ттупал совет хIукуматрайн къарщиминнайн? Ссалун багьну бур Ибрагьимгу, ганащал дус хьусса ЦIувкIратусса Аьлигу? Чунмай най бивкIун бур гай ккуллардая лихълай? Ци щуну дур Ибрагьиннуйн? Ци хъанан бивкIун бур Ибрагьиннун ккуллалул цIалцIи щувкун? Ци тIий ивкIун ур Ибрагьим Аьлихь? Ци жаваб дуллуну дур Аьлил Ибрагьиннухьхьун? Цукунсса инсан ивкIун ур Аьли? Ци бувну бур Аьлил Ибрагьиннун? Ци тавакъюв бувну бур Ибрагьиннул Аьлихь, жиплува чагъар бувккун? Щил чагъар бивкIун бур га? Назмурдай бивкIун буривкьай га чагъар чивчуну, прозалий бивкIун бурив? Цу кунма бура, тIий бивкIун бур Баху Ибрагьиннухь, га лавгун махъ? Чичин дурну дурив Ибрагьиннул Аьлихь Бахуйнсса жаваб? Цукун ивкIун ур Ибрагьим жаваб чичлачисса чIумал? Цивхьуну бур Ибрагьиннун? Мукьилчинмур бутIа Ва бусала бувккуну, бусанмур ба. Махъру ва бувчIин бавуртту чIир(и) II (-ттарал, -тту, -ттал) – борода Султан-Мурадхъал Наби аэропландалий левхсса куц Султан-Мурадхъал Наби буслай ивкIун ур Мирза-ккурчIав цува аэропландалий левхсса куц. «Ашхабадлив хIалтIилухгу ивкIун, шавай зана хьуну най ура. Караснавудускалийн ивра. Бакуйн гьан бюхълай акъара, хьхьири гьалак бувккун, парумру къазанай. Ца айрипIалан дакъа цичIар дакъар, Бакуйн нанисса. Гъан хьуну ппилутIнахь учав: «Гьалмахчу ппилутI, вазьми до Баку, учинь нада», – куну. КIану бакъар, увкунни. «Мама бальная, учинь паращу», – аьпа бувсса нину дакIнийн дуртун, учав. Ялагу увкунни, кIану бакъар, куну. «Мама пири смирти, учинь, учинь паращу», – учав, ниттил рухIиран кIу къабизаннав, куну, дуаьгу дурну. Ялагу увкунни, вин къабувчIайрив, кIану бакъар, тIисса махъ, куну. Мукунгу куну, увххун кабиналувун къур дурну айрипалан, леххан дунни. Ина хъяврин ан ацIайсса лаккучу акъассарача на, куну, ттухьва навагу увкуну, хъап куну лавчIра хъаттирацIун, вамур канил хъап куну бугьав ттула чимядан. Левххун бавчуру Каспи хьхьирил ялтту. Ци уссара навагу, хьхьирил щатIал гьарччалтту атил хъанай. ТIий акъарав, хьхьирив бур гьалак бувккун, щатIив бур ца куццуй бишлай. Амма хъамур гьич къаитадакьав. Бивру Бакуйн. Увккуннича кабиналува пилутI. ТаначIан гъан хьуну: «С пириездум!», – учав. Вагь, ина шиккун ча агьра, тIий, та махIаттал хьунни. «На вихьния миннат бувссия. Къаувцукун, лаккунал дан багьунни», – учав. «Ай, да, лаккучу, ай, да, лаккучу!» – бакI кIутIу дуллай, ливчIунни. Махъру ва бувчIин бавуртту Караснавудуска – Красноводск (ныне Туркменбаши) айрипIалан III (далул) – аэроплан ппилутI – пилот учинь – очень нада – надо паращу – прошу с пириездум – с приездом лаккучунал дан – проявить находчивость (бувк. поступить по-лакски)
Мурхьру бикIайссар дукайсса ахъулсса дулайссагу, къадулайссагу. Зунттаву ххяххайссар укунсса ттарлил, кIялагьилул, хьхьирилул мурхьру. ЦIусса шин хьуна дакьайни, ттарлил мурхь бищай. Гъумучиял Хъун бярнил лагмасса бярниккурккай ххаллилсса кIялагьив ххяххан бувну буссар. Хьхьирилул мурхь хъинну кIукIлуссар. Чансса гъелими кIанттаву ххяххайссар щавщи, хIави, мажи, пялут, чинар. Щавщи цила къяртри кьус риртун бур. ХIави лакрал поэзиялул мурхьри. Лакрал поэзиялуву бювхъусса душру, хъами хIавираха лащин бувну бикIайссар. Мажирал чIапIив – Канадаллал хокеистътурал лишанни. Пялут – цIакьсса мурхьри. Чинар хъинну хъунмасса мурхьри.
ттарлил мурхь – хвойное дерево бищун – установить кIялагьи – береза хьхьирилул мурхь – липа ЦIусса шин – Новый год щавщи II (-лул) – ива хIави II (-рал) – тополь мажи II [мăжи:] (-лул) – клен пялут II (-рал) – дуб чинар II (-данул) – платан бяр II (-нил, -рду, -рдал) – озеро бярниккарк II (бярниккурккал) – набережная озера кьус (б,д)икIан – наклониться кьус (б,д,р,)итан – наклонить – 12
Ахъулсса дулайми бакъа, ялагу цукунсса бикIайссар мурхьру? КIицI бан зунттаву ххяххайми мурхьру. Ттарлил мурхь ххяххайссарив зунттаву? Цумур мурхь бищайссар, ЦIусса шин хьуна дакьлакьийни? Ци мурхьру буссар Гъумучиял бярниккурккай? Хьхьирилул мурхь кIукIлуссаривкьай, кьянкьассарив? Пялут, мажи, чинар гъелисса кIанай ххяххайссаривкьай, бявкъусса кIанай ххяххайссарив? Цумур мурхьираха лащин бувну бикIайссар лакрал поэзиялуву бювхъусса душру ва хъами? Цумур мурхьирал чIапIиври Канадаллал хокеистътурал лишан? Чинар хъунмасса мурхьривкьай, чIивисса мурхьрив?
БувкIунни, ахиргу, ккаккан бувсса мутта. Дур баргъ бивтсса, дарусса, чаннасса кьини. Гьуртту хьун ччимигу, тамашачиталгу ссавур дакъа ялугьлай бур фестиваль тIитIиннин. Шадлугъ абад дан хIадурну бур телевидение, радио, пресса. Хъинну хIадур хьуну дур Ккуллал район. Райондалийсса гьарцагу шяраваллил вакилтал бувккунни, цалла-цалла шяраваллил гербругу дургьуну. Гай най бур, гармун-ччергъилугу ришлай, бала-гьалайрттугу тIий. Гай куннал хъирив кув бувххунни амфитеатрданувун. Мажлис тIивтIунни Ширвани Чаллаевлул. Ганал бюххансса махъру увкунни лакрал музыкалия, культуралия, магьирлугърая. Амма айивхьунни архния. «Жулла фестивальданул хасъсса лишанну хъанахъиссар ГъартIу, ваниннин ряхтту-арулттуршра шинал хьхьичI ссавнийн леххан кьаст дурсса. Циван ГъартIу? Цанчирча балай, шеъри, магьирлугъ – мугу ссавнийн леххаву дуну тIий. Жула гъалгъалуву, жула макьаннаву буссар къар-къур. Му къарду, кьарду, чIарду, тIарду чIявусса жула мазрал къар-къурди, му къумасса ратIавух тия-шия ришлай, жиндралну ххяхлахисса зунттал неххардил къар-къурди. Музыка – халкьуннал рухIирал кодри. Ганийнур ца миллат гамунияту личIи байсса. Ядара лакрал макьанну, ябара жула миллатрал код», – увкунни хъунасса композиторнал. Яла цайминналгу лавхъунни ххуй-ххуйсса махъру. Ахиргу, байбивхьунни балайрду. Шанма гьантлий балайрду тIий буссия Хъювхъиял шяраву. Шанма гьантлий дия ссав, балайрдал ларсун лагавай. Баргъ кIири байва, гъарал лачIайва. Амма фестивальданий тамаша буллалисса агьалий гьан ччай бакъая. Гай бия гъарал чяхлихунгу къавтIий. Ххув хьуминнал хьхьичIунсса призру, заварду ларсуна. Укун лавайсса даражалий ларгуна лакку балайрдал цалчинмур фестиваль «Щунул щутталу – 2002» («Шунудаг-2002»). Ганияр махъ цимирагу хьуссар Хъювхъ фестиваль, Цинярдагу цаннияр ца сий дуну ларгуна.
вакил I (-нал, -тал, -турал) – представитель гармун III (-далул, -ну, -нал) – гармонь чях II (-лил) – звук дождя зава III (-лул) – приз – 4
Цукунсса кьини дур фестиваль тIиртIумур? Цукун ялугьлай бур агьалий фестиваль дайдишиннин? Ци дан хIадурну бур телевидение, радио, пресса? Хъинну хIадур хьуну дурив Ккуллал район? Щил тIиртIунни фестиваль? Цир, увкунни ганал, фестивальданул хасъсса лишан? Ци гьунар бувну бивкIссар увкунни ГъартIул ваниннин ряхтту-арулттуршра шинал хьхьичI? Цащава леххан къахьурчагу, ци кьариртссар, увкунни ганал, ГъартIул жунна? Лехлай бивкIун бурив лак, Дагъусттаннал вайми миллатирттан леххай машина ляхъан бувну бушиву баяннинва? Щил иширайн буккан бувссар, увкунни ганал, ссавнийн леххаврихсса гъира?
– Зайнуттин, Ираннащалсса дяъвирдал хъиривгу хьуссарив хъуни миллатирттащалсса дяъвирду? – Хьуссаркьай. Хъуни миллатирттащалсса ва хъуни паччахIлугъирттащалсса лакрал дяъвирдан ккалли хъанахъиссар Гъази-Гъумучиял Чулахъ-Сурхай-ханнал арс МухIаммад-ханнал (1741-1789) ва арснал арс Сурхай-хан II-манал (1789-1820) Аьрасатнайн къарщину бувми. 1774-ку шинал Гавдушаннал арив Къайтагъуллал, Гъази-Гъумучиял, Къазанищуллал ва цаймигу дагъусттаннал бакIчитурал гъюжу уккан увну ур Къуваллал Пат-Аьли-хан. Бан-бит бух лавгсса Пат-Аьли-хан кумаг чIа тIун ивкIун ур Екатерина II-мунихь. Танилгу хъиривмур шинал инттува Дагъусттаннайн гьан бувну бур генерал Медем бакIчисса аьрал. Тайннал Къайтагълив Къайтагъуллал Амир-ХIамза ва Гъази-Гъумучиял МухIаммад-хан бух бувну бур. – Екатеринан Кавказ ласун ччан бивкIхьунссар. Див? – Ди. Мунияр махъ ХVIII-мур ттуршукулул ахирданий Аьрасатнал цIубувну бур Кавказ кIунттихьхьун ласунсса дяъвирду. Сурхай-хан II-манал аьралуннал оьруснащалсса цалчинсса талатаву хьуну дур 1796-ку шинал Алпаннай (цIанасса Азирбижан Республикалий). Микку генерал Булгаков ух хьуну ур. Амма цIусса гужру бавтIун, генералнал ххит увну ур Гъази-Гъумучиял хан. Мунияр махъ тамансса бувну бур Сурхай-хан II-манал оьруснащал дяъвирду. Цувагу чIявумур чIумал ух шайсса ивкIун ур. Амма ца ярксса ххувшавугу ларсун дур Азирбижаннал Закаталлай. Та чIумалсса хъинну гужсса аьралуннал бакIчи Халид-багнал Закаталлал яруссаннащал цачIу генерал Гуляковлул бакIчисса аьрал бух бувну бур. Цува генералгу та талатавриву ивкIуну ур. – Халид-баг цу ивкIссар? – Халид-баг Сурхай II-манал лявма арс ивкIун ур. Гайми оьруснащалсса дяъвирдаву хан ух хьуну ур. Амма 25 шинай (1796-ку шинная 1820-ку шинайнин) Гъази-Гъумучиял хан оьруснайн мютIий къахъанай ивкIун ур. Ахирдангу, 1820-ку шинал Хъусращияту арх бакъасса кIанай хьуну дур Еромоловлул генерал Мадатовлул аьралуннал ва лакрал кьюкьрал дянив талатаву. Микку бакIрайва ттуплил ккуллалул увтун ур ханнал аьралуннал бакIчи Халид-баг. Га ивкIуну махъ бух хьуну бур лак. Сурхай-ханма, цала билаятгу кьабивтун, ливхъун ур. Мунияр махъгу хъунав хьуну, къужа хьусса хан ухшаву бакIрайн ласун къаччай ивкIун ур. Амма ганаща ххишала оьруснащал иянсса аьрал цачIун бан хьуну бакъар. – Сурхай II-манаяр махъ лакрал оьруснащалсса дяъвирду къурталссарив? – Къурталссар. ТIайлассар, ттуршахъул лак хушрай имам ШамиллучIан гъазаватраву гьуртту хьун. Амма гьурттушин щалагу миллатрал ягу лакрал паччахIлугърал чулухасса хъанай дакъар. 1858-ку шинал тIурча, имам Шамил ясирну ириян ца шинал хьхьичI Агълар-хан ивкIуну махъ, лакрал паччахIлугърал ахир хьуну дур. Шамил увгьуну махърив Дагъусттаннайсса гайми паччахIлугъру духлаган дурну дур. – Мунийну къурталссарив вил «Лакрал тарихравунсса ссапар»? – На вихь увкуссия, лакрал хъуни миллатирттащалсса ва паччахIлугъирттащалсса дяъвирдаяту бусанна, куну. На махъ бацIан бав. – ЦIуллу увссара. – Амма ххибансса ца за бур. Ца аятран ккалли бан бучIисса зану хъанай бур гьаманки лаккучу Саэдлуйн Габиевлуйн кьадарданул тапшур баву Дагъусттаннай паччахIлугъшин уттадуккан дан. – Цу ивкIссар Саэд Габиев? – Саэд Габиев бюхттулсса лаккучури. Та ппурттуву та ивкIссар Дагъусттаннал яла хъунмур органдалул – ревкомрал председатель. 1920-ку шинал Иосиф Сталин ва Серго Орджоникидзе бувкIун, СаэдлучIа гьанттагу бивкIун, Дагъусттаннал миллатирттал съездрайгу гьуртту хьуну, Дагъусттаннай автономия дишинтIишиву баян бувну бур. Му хIукму цIакь бувссар Аьрасатнал ЦИК-рал, 1921-ку шинал январьданул 20-й декрет итабавкьуну. Мунияр махъри Дагъусттаннал паччахIлугъ утта дурксса. На къурталла. – Зайнуттин, вин хъунмасса барчаллагь «Лакрал тарихравунсса ссапар»данухлу. Махъру ва бувчIин бавуртту муттаэ I (-нал, -тал, -турал) – противник Къувал – Куба азербайджанская ханлугъ III (-рал, -ру, -ирттал) – ханство лявма – средний хушрай – добровольно гьантта (б,д)икIан – ночевать уттадуккан – возродиться – 6 Упражнение Вай суаллан жавабру дула. Ци лакрал хантурал бувмири хъуни миллатирттащал ва хъуни паччахIлугъирттащал бувсса махъва-махъми дяъвирдан ккаллисса? Чув ххит увну ур Къуваллал Пат-Аьли-хан? ИвкIун урив му талатавриву лакрал хангу? Щийн леххаву дуртун дур Пат-Аьли-ханнал, цува ух увкун? Цу-унугу гьан увну урив Екатерина II-мунил Къуваллал ханнан кумагран? Бух бувну буривкьай оьруснал Дагъусттаннал хантал, цивппа бух хьуну бурив? ЦIубувну бурив мунияр махъ оьруснал Кавказ ласунсса дяъвирду? Чув, та хьуну дур Сурхай II-манал оьруснащалсса талатаву? Ххув хьуну уривкьай лакрал хан генерал Булгаковлул аьралуннаяр, ух хьуну урив? Ялагу бувну бурив Сурхай II-манал оьруснащал дяъвирду? Щищал цачIун хьуну дурну дур Халид-багнал генерал Гуляковлущал талатаву? Цума ххув хьуну ур му талатавриву? Цу ивкIун ур Халид-баг? Цими шинай талай ивкIун ур аьмну Сурхай II-ма оьруснащал? Ух шайсса ивкIун уривкьай га чIявумур чIумал, ххув шайсса ивкIун урив? Цума генералнащал хьуну дур лакрал хантурал оьруснащалсса махъра-махъсса талатаву? Цукун ивкIуну ур Халид-баг? Чув, та хьуну дур лакрал ханнал оьруснащалсса махъра-махъсса талатаву? БакIрайн ларсун дурив мунияр махъ цува ухшаву Сурхай II-манал? Хьуну бурив ганаща мунияр махъ оьруснащал иянсса аьрал цачIун бан? Гьуртту хьуну бурив лак Шамиллул дяъвирдаву? ЧIявусса лак гьуртту хьуну бурив гъазаватраву? Цу хьуну ур лакрал махъва-махъсса ханну? Духларгун дурив, Агълар-хан ивкIуну махъ, лакрал паччахIлугъ? Щин нясив бувну дур чичрулул Дагъусттаннал паччахIлугъ уттадуккан дан? Цуну ивкIун ур та ппурттуву Саэд Габиев? Ца бувкIун бивкIун бур Дагъусттаннайн? ЩичIа гьантта бивкIун бур ми? Автономия дишаврил хIукму цIакь бувну бурив Совет ХIукуматрал? Мукьилчинмур бутIа Ва бусала бувккуну, бусанмур ба. Янналул ивкIун урхха инсан ххуй айсса! Ца чIумал Акул Аьли ханнал чIалъаьлувун лавгун ивкIун урча. КIикку ванан ккавккун бур ца изагура. КIялара-кIяласса лажин, ав ласай яру, сунттул яннакри, куклусса бущи – ца эмарат! КIа бивкIун бур ханнал уссил душ. Акул Аьли кIаних уругла-а-ай ливчIун ур. КIанилгу, ва хIаз ивзун, хIазичун ванайн кIанш дурну дур. «Гьа, навагу ванин ххуй ивзун урача», – куну, Акул Аьлин кIа буцин ччан бивкIун бур. ИчIура хъаннил изагурахь бувсун бур Акул Аьлин цуппа буцин ччан бивкIшиву, була, тIийгу ушиву. Изагурал бувчIин бувну бур цуппа ганащал кьюлтIну хьунабакьингу махъунмай бакъашиву. Ганил дучIан дур Акул Аьлил щарсса Пакъу, лаххан дурну ххаллилсса яннагу, гьан дурну дур кьюлтIну хьунадакьин Акул Аьлищал. Акул Аьли изагура хьунаакьинсса ххарил лехлай ивкIун ур. Урувгун ур – цалла щарсса. Амма хъисгу пашман хьуну акъар. «Агь, Пакъуй! Яр, инагуния изагураяр ссалчIав оьккисса диркIун дакъара, ххуйну лаххан дарча!» – чайва, тIар, Акул Аьлил. Махъру ва бувчIин бавуртту изагура II (-л, -лт, -лтрал) – женщина ханского (или шамхальского) дома сунттул – шелковый ав II (-лул, -рду, -рдал) – горный тур ав ласай яру – глаза, способные поймать горного тура бущи II (-лул) – походка эмарат III (-рал, -ру, -ирттал) – драгоценность, прелесть хIаз II (-рал) – забава хIаз изан I – показаться забавным хIазичун – нареч. для забавы кIанш II (-лил, -ру, -ирттал) – моргание кIанш дан – моргнуть ичIуращар III (-нил, ичIурахъами, ичIурахъаннил) – служанка кьюлтIну – тайно махъунмай бакъашиву – то, что (она) не прочь, не возражает – 12
Ххяххияртту, хIайвант – ва уттарасса тIабиаьтрал бутIар. Уттарасса тIабиаьтравун духхайсса затру, ххяххияртту ва хIайвант бакъа, цаймигу гьарзассар. Жува миннуй бацIлай бакъару. ХIакьинусса дарсирай жува бурганну къауттарасса тIабиаьтрах. Лухччи – ккуза куннасса планетар. Планета Лухччинийн, Аьрщи, кунугу, учайссар, учайссар Дуниял, кунугу. Лухччинул ялалу хьхьирирдаяту ва кьирияту сакин хьуну дуссар. Лухччинул ялалу – му хьхьири ва кьирир. ХъунмурчIинмур бутIа буссар хьхьирихь, ливчIмургу – кьирихь. Лухччинул ялтту гьавалул къат дуссар. Ганийнни атмосфера учайсса. Лухччинул вив мяъданну буссар. Буссар лухIинавтлил, хъуручIул, муххал ва цаймигу инсаннан мюнпатсса ханхъуслил мяъданну. Миннуяту дуккайссар мах, алюмин, дувсси [ду:сси], къалай, чIутIи, арцу, муси [муси:], кIяла муси, хьуму муси, тутия ва мукунна цаймигу затру. Муххаяту байссар чувин, дайссар чаннан. Дувссилияту дайссар дукни ва чарвит.
ккуз(а) II (лул, -ри, -рал) – шар; шарик мяъдан II [маь’даь:н] (-далул, -ну, -нал) – 1) месторождение, залежь; 2) рудник мюнпат II (-рал) – польза ханхъус III [ханхъус] (-лил) – сырье хъуручI II (-ул) – уголь алюмин III (-далул) дувсси III [ду:сси] (-лул) – медь къалай III [къалей] – олово чIутI(и) III (-ул) – свинец арцу III (-л) – серебро кIяла муси – платина хьюму муси – ртуть тутия III (-лул) – цинк чувин II (-далул) – чугун чаннан III (-нил) – сталь дукни III (-лул) – латунь чарвит III (-ул) – бронза – 16 Упражнение Вай суаллан жавабру дула. Цукунсса тIабиаьтрал бутIар ххяххияртту ва хIайвант, уттарассаривкьай, къауттарассарив? Ххяххияртту ва хIайвантру бакъасса цаймигу затру дуссарив уттарасса тIабиаьтравун духхайсса? Ссаха лархьхьусса, ци куннасса планетар Лухччи? Ялагу ци цIарду дуссар жулла планеталийн? Лухччинул ялалу ссаяту сакин хьуну дуссар? Лухччинул хъунмур бутIа хьхьирихь буссаривкьай, кьирихь буссарив? Ци дуссар Лухччинул ялтту? Ци дуссар Лухчиннул вив? Ссал мяъданну буссар лухччинуву, инсантуран мюнпатсса? Ссаяту дуккайссар мах, алюмин, дувсси [ду:сси], къалай, чIутIи, арцу, муси [муси:], кIяла муси, хьуму муси, тутия ва мукунна цаймигу затру? Ссаяту байссар чувин ва чаннан? Ци дайссар дувссилияту?
(«Лакцы-авиаторы в Великой Отечественной войне» луттиравасса парча) ГъартIуща цащава леххан къавхьунугу, ганал жунма кьабивтссар ссавнийн леххаврихсса гъира, леххаврил хиял. ХХ-мур ттуршукулул дайдихьулий 1903-ку шинал Американал цачIунхьу штатирттавасса кIия уссил Уилбер ва Орбилл Райтхъал бувссар дунияллий цалчинсса леххай машина – аэроплан. Иширайн бувкссар инсаниятрал абадлийсса гъира – ссавнийн леххансса гъира, ГъартIул гъира. АцIраксса шинавун Цалчинсса Дунияллул дяъви байбивхьусса чIумала ссавний лехлай талатавурттаву гьуртту хъанай диркIссар самолетру. Инсаннал ссавнийн леххай машина ляхъан бувну бусса бур, тIисса хавар Дагъусттаннал вайми миллатирттан баяннива лак ссавнийх лехлай бивкIссар. 1915-ку шинал Цалчинсса Дунияллул дяъви яла къизгъинмур чIумал Гъумучатусса лаккучу МахIаммад-Садикь Исаев лехлан ивкIун ур ссавнийх. 1941-ку шинал фашист Германия Совет Союзрайн ххявххун байбивхьуссар Буттал кIанттул цIанийсса Хъунмасса дяъви. Германнал аьралуннал каялувшиннарал Гитлердун баян бувссар Москав багьан бувккусса гьантри ливчIун бушиву. Шадсса нимицнал тахшагьру му байран хьуна дакьин хIадур хъанай бивкIссар. Га бивкIссар, чирахъирттал перха тIутIи бувну, чанна лавхъун. Цакуну ссавнияту баллан бивкIссар мотордал ххурхху. Хъунма хIал къавхьуну багьссар бомбарду. Ми бивкIссар Гъумучатусса лаккучу полковник ХIусайн Щайховлул самолетрал бивчусса бомбарду. Укун чIивисса лакрал миллатрал вакилналли Берлиннайн цалчинсса бомбарду бивчусса. Ссавнийн леххансса лакралмур гъира иширайн буккаврил яла бюхттулмур бакIну хъанахъиссар 1987-ку шинал ссят 14 ва 18 минутраву аьламирттавун лаккучу Муса Маннаров леххаву. Щаллусса шин дурссар Мусал лехлай, муниннин диркIсса цинярда космосравун леххаврил рекордру цIунилгу чичлай. ЦIанакулгу лак бур хъанай дунияллий яла леххайми миллатирттал цану.
Американал цачIунхьу штатру – Соединенные штаты Америки инсаният III (-рал) – человечество самолет III (-рал, -ру, -ирттал) абадлийсса – вечный байран III (-далул, -ну, -нал) – праздник баллан – частотная время от глагола баян ххурхху II (-лул) – грохот аьлам II (-рал, -ру, -ирттал) – космос – 5
ГъартIуща цащава леххан къавхьунугу, ци кьариртун дур ганал жунна? Ци ляхъан дурну дур 1903-ку шинал Американал цачIун хьу штатирттавасса киIя уссил? Цир иширайн дурксса ми уссурваврал леххай машина ляхъан баврийну? Гьуртту хьуну дурив самолетру Цалчинмур Дунияллул дяъвилул чIумалсса талатавурттаву? Лехлай бивкIун бурив лак ссавнийх Дагъусттаннал вайми миллатирттан леххай машина ляхъан бувсса хавар баяннинва? Цума лаккучу лехлан ивкIун ур 1915-ку шинала? Щил бивчуну бур Берлиннайн цалчинсса бомбарду Буттал кIанттул цIанийсса Хъунмасса дяъвилул чIумал? Чун левххун 1987-ку шинал Муса Маннаров? Цуксса хIал бувну бур ганал космосраву лехлай? Ци дурну дур ганан муниннин диркIми космосраву леххаврил рекордирттан? Хъанахъиссарив лак дунияллий яла лехлахими миллатрал цану? Шамилчинмур бутIа Ва текст бувккуну, лахьхьи. Ибрагьиннул ва Бахул хъявринсса ччаврил хавар – Шуаьнат, ина ттухь Бахул бакIрачIан ци бувкIссарив бусанна, куна. – Бусанна. Цахуна къаахчин, Ибрагьимгу хьхьичIа укьан увну, Илла Баху лагма укканмур буллан ивкIун ур. Маймаки, Асият, утти махъ Ххажу тIисса цамур адав-инсап дакъу, нач-хIая дакъу ганил ялун даркьуну дур. Ххажу диркIун дур Бахул чIаххуврайсса щарсса. Дурухху-ххядукку даврил хIакъираву Бахугу ганичIан буххайсса бивкIун бур. Баху цуппагу буххайсса бивкIун бур цIияллайхва. Иллал, Ххажун лулттурасса дуллуну, га цахара зузи дурну дур. Ххажухъал дарваза цамур чулуха бухьувкун, Бахун Илла ганичIан занай ушиву кIулну бивкIун бакъар. Баху ХхажучIан буххайсса, буккайсса бушиву кIулну, Баху бучIаннин ялугьлай, Иллал мадара хIал бувну бур. Ца кьини Баху бувкIсса чIумал, на цIана дучIанна, куну, Ххажугу дурккун дур, га дуккайхту, къатлувун Илла увххун ур. Чансса хIаллавун Илла увккун ур къатлува, Бахул бакIраяту бакIвахIугу ливккун. – БакIвахIу ликкаву кьюкьала диркIссарив? – Чурххайсса ци ласурчагу – му душнинсса кьюкьала диркIссар. – Му гужрай, цуппа рязий бакъарив ливкIсса? – Тунукьай, гужрай. Баху вах-вах тIий, аьтIий, мукьал най бивкIун бур. Ашкара хьурча, ци бави, тIисса дардирдал Баху кIяла кьавкьун най бивкIун бур. Илла ивкIун ур, тти Баху канийн лавгссар, тIий, Ххажухъаннийн чIявуну лагайсса ивкIун ур. Амма Баху тиккун къалагайсса бивкIун бур. Яла Ххажу цурда занан диркIун дур БахучIан, цаннийнма нану, тIий. Баху къабучIайхьувкун, Иллащал энад мабулларда, ккурчIиян ккаккан барча, ци банна, тIий, душ нигьал буллан диркIун дур. Бахумур бивкIун бур, лажинни, цил бакIвахIу була, уча, тIий. «Ттухьхьун къабулунтIиссар, инава бувкIун була, уча», – чайсса бивкIун бур Ххажул. Мукунгу Баху къабучIайхьукун, Иллал ва Ххажул ца хIилла уттигу дурну дур. «Илла вийн оьвтIий ур, вила бакIвахIу ласун нану, тIий», – куну бур Ххажул ца кьини, агана ина кIанан щар къахьурча, вина ччиманан хьунссарача, тIийсса мяъналий. Микку хIура дурну дур Бахул: «Ваксса нава тIий уния махъ, вананма хьурча…» – тIий. – Ибрагьиннул кьдарданияту цичIав бавну бакъарив Бахун? – Бахугу, Ибрагьиннул нину Аьйшатгу – гай циняв бивкIун бур, Ибрагьим гилава Ттуплислив лавгссар, тIий. Иллаллив, Баху хъяврин бувну, хъунма хIал къавхьуну, га кьабивтун бур. Ахирдангу, Бахул пикри бувну бур ИллачIан лихъан. Амма Иллагу, га цаннийнма бувкIун бушиву чIалай бунува, шавату лавгун ур. Иллал нину Залмул тIурча диркIун дур рахIму бакъасса, цIими цирив къакIулсса щарсса. ЦIимилул чув акъасса Баху цаннинма бувкIукун, ганил га, рихшантру дуллай, кьякьлухун бивхьуну бур. Бан-бит бухлавгсса Баху Хъун неххайн ахьния ххявххун бур. Укун кьурчIину къуртал хьуну бур Ибрагьиннул ва Бахул хъявринсса ччаврил хавар. – Гьаксса язугъсса хавар бур. Кьадарсса инсантурал лиян бувну бур кIия ххуйсса жагьилнал оьрму. Махъру ва бувчIин бавуртту хьхьичIа укьан ан – освободить дорогу адав III (-рал) – вежливость, учтивость инсап III (-рал) – совесть нач III (-лил) – стыд хIая III (-рал) – стыд (б,д)уруххан (урувххуну, бурувххуну, дурурххуну; (б,д)урухха) – 1) распухнуть; 2) шить цIиял(у) III (-лил) – крыша ххя(б,д)уккан – порвать дурухху-ххядукку дан – заниматься шитьем лулттурасса III (-нул) – взятку бакIвахIу II (-лул, -ртту, -рттал) – волосяник вах-вах тIий, аьтIун – обильно лить слезы ашкара хьун – огласиться, быть разоблаченным дард III (-ирал, -ру, -ирдал) – глубокая печаль, переживание нану – иди [к нам] хIилла III (-лул, -рду, -рдал) – хитрость -чIан лихъан – перебежать к рахIму II (-лул) – милость, милосердие цIими II (-лул) – милость, милосердие цIимил чув – обладатель милости, человек, обладающий милостью цIимилул чув акъасса – не имеющий защитника рихшант III (-рал, -ру, ирттал) – насмешка ахьния ххяххан – броситься с обрыва кьадарсса – подлый, ничтожный – 18
Оьккисса инсантал бурив Маймаки, Асият, Ххажу? Цири миннал адав-инсап дакъашиву? Цукунсса хIиллалийну хъяврин бувну бур Баху Иллал ва Ххажул? Ци зерххуну дур Иллал Бахуща? Хъуннасса кьюкьала диркIссарив бакIвахIу душнияту ликкаву? ХIурашивурив, бакIвахIу булун Илла оьвтIий ур увкукун, Баху ХхажучIан гьаву? Кьамул бувну бурив Баху Иллал, га цачIанма бувкIукун? Ци къел дурну дур Бахул Иллахъанния лавгукун?
УчIайсса ивкIун ур Акул Аьли ккурчIав. ЩяикIайсса ивкIун ур ккурчIнил чIирах. Ссирссилттайх кахгу куну: «Бия Пакъул бувну ххаллилсса гьавккури!» – учайсса бивкIун бур. КкурчIнил арамтурангу агъушиврул пIяй-пIяй тIисса ссирссилтту тамаша дизайсса диркIун. Мукун гьарца кьини учIайсса ивкIун Акул Аьли. Мукунма ссирссилттайх кахгу куну: «Бия Пакъул бувну ххаллилсса гьавккури!» – учайсса бивкIун бур. КкурчIнил арамтурангу агъушиврул пIяй-пIяй тIисса ссирссилттай тамаша буллай, дакI мяш хъанай личIайсса бивкIун бур: «Мяйжаннугу, Пакъул ванан гьарца кьини гьавккури байссахьунссар! ДахIалай бакъарив кIукунсса щарсса дусса Акул Аьлин!» – тIий. Ца кьини увкIун ур ккурчIавгу, цала зумуну: «Бия Пакъул бувну ххаллилсса гьавккури!»гу – куну, ссирссилттайх кахгу куну, ккурчIнил чIирах щяивкIсса кIанай, левчунма бувкIун Акул Аьлил душнил: «Мяммай, кIа инава ккурчIав гьаннин ссирссилттайх буккайсса уттуллул касак ччитул лавсунни!» – куну бур. Ачу да тти!
дахIалай! – надо же, повезло же, какое же счастье! (выражение чувства белой зависти) ачу да тти – выражение досады (типа вот тебе на) – 2
бивзрав – доброе утро (жен. р.) инагу – и ты винмагу – и тебе вила – твой зугу – и вы цалсса – пока барчаллагь – до свидания мадарану – неплохо, сносно, так себе бучIир – можно; неплохо, сносно, так себе ци иш бур [ци:ш бу:р] – как дела цIуллу баннав – будьте здоровы оьрчI – мальчик, юноша оьрчIру – ребята душ – девочка, девушка душру – девчата 2. ттул – мой учайссар [учейссǎ:р] – называют, говорят цIа [цIǎ] – имя, название хъунасса – большой хъунмасса – большая ва [вǎ:]– этот, эта, это къатта – комната хьулу – вход чIавахьулу – окно магъи – потолок чIанкъатта – пол нуз – дверь чIира – стена
на [нǎ] – я шагьру [шǎгьру] – город хъунмур – большая, главная кIичIиравалу – улица билаят [била:йăт] – страна вирдакI [вирдǎкI] – сердцевина шяравалу [шаьраьваь:лу] – селение хъуннасса [хъуннассǎ] – большая лахьхьай [лǎхьхьей] – учишься жул – наш зул – ваш чил мазру – чужие (иностранные) языки лахьхьин [лǎхьхьин] – учить чIаххувдуш [чIахху:душ] – соседка цумур – которая 4. вичIилий (б)ура [вичIили: (б)урǎ] – слушаю ур I – ест, имеется, находится бур II – ест, имеется, находится шава ура I – [я] нахожусь дома шаппа бура II – [я] нахожусь дома шаппа бурив? – находится дома оьвчакьай [уь:чаькьей] – позовите, пожалуйста оьвчин – позвать хIарп [гьаьрп] – буква ччатI – хлеб ччай бур – хочу, желаю ца захIмат бувну [цă заьгьмаьт бу:ну] – слегка потрудившись вища бюхъанссарив? [вищă буьхъаьнссăрив] – ты сможешь? чансса махъ [чăнссă ма:хъ] – чуть позже цуксса [цукссă:] – сколько, какой хIал [гьаьл] – период времени ссят – час дачIи ссятравун [дăчIи ссаь:трăвун] –через полчаса ца дачIи ссятравун [дăчIи ссаь:трăвун] – примерно через полчаса бюхъанссар [буьхъаьнссă:р] – могу къабувчIунна II – не узнал(а) къабувчIуннахха II – что-то я не узнал(а) 5. хавар I – новость -гу – тоже, также, так – только ххуйсса – хороший, -ая,-ие бацIула II – постой-ка, подожди-ка чIаххуврай [чIахху:рей] – по соседству буссара II [буссǎрǎ] – нахожусь вин – тебе, тебя винна [виннǎ] – а тебе, а тебя буттан [буттǎн] – отцу, отца цими – сколько шин III – год кьура III – двадцать жагьилсса – молодой (-ая, -ое, ые) ацIния мяйра III [ǎцIния маьйраь] – восемнадцать инания – [так] ты же чIивисса [чIивиссǎ] – маленький, младший нагурахха [нǎгурǎхха] – я ведь тоже бигьа лагай кьини – выходной день сайр бан – прогуляться ххирар (ххирарив?) – люб-лю (-бит) (любишь? любит?) дарс III (дарсру) – занятие, урок, предмет лахьлан – учить
-гу – тоже ккаккан (б,д)айссар – показывает кьини III (-лул, -рду, -рдал) – день бакъар II – нет, отсутствует оьвча – позови оьвчиннав? – позовешь оьвчинна – позову ттучIан – ко мне ттуйн – мне буси – скажи бусила – скажи-ка лахьхьин ччивав? – хотел бы изучить ччива – хотел бы вин – тебе балай – песня балайрду – песни бувчIин баву – пояснение лахьлан ивкIра (бивкIра) – стал (стала) изучать архIал – вместе гьашину – в этом году гьашину интту – этой весной, весной этого года, в этом году весной дуклай (б)уссар – учится хъинну – очень ххуй бизай – нравятся -гу – и (союз), тоже, также чичин – писать, записать чирчусса III – записанные 7. махъ II (махъру) – слово (слова) Аьрасат – Россия бутIа II (бутIри) – часть (части) хьхьири II – море дазу III – граница буссар II – находится зума III (зуманив) – берег (на берегу) яхъанай буссар II – живут ватан III – родина гъалгъа тIун – говорить гъалгъа тIун бикIайссар II – говорят гъалгъа тIун кIулссар – умеют (букв. знают) говорить кIулссар – знают кIулсса – знающие къакIулсса – незнающие, неумеющие лахьхьин ччан – желать знать, желать уметь буттал кIану II – отчий край, отчизна цIана [цIǎнǎ:] – сейчас лирчIун – остаться хьун дурар – еще не исполнилось … минутIрава – через … минут суал II (суаллу) – вопрос (вопросы) жаваб III (жавабру) – ответ (ответы) ди – да угьу – да у-у – нет (у)ттигу – еще нину-ппу (нитти-буттал) – родители лахьхьин бувну бакъар – не научили ссал? – чей, какой чув? – где лахьхьин ччай – желая учить лахьлан ивкIра (бивкIра) – стал (стала) изучать гьашину – в этом году гьашину интту – этой весной, весной этого года, в этом году весной тарих II – история, хроника айишин (айивхьура, байбивхьура, байбивхьуссар) I – начать (начал, начала, определенно начали) гагу – и он (и она) ттун ххирар – я люблю ттун ччива – я хочу цамур II, III – другая ттуннияр – чем мне бигьану – легче дукIу – в прошлом году кIулссану – в позапрошлом году ялунчIил – в будущем году тулунчIил – на следующий после будущего года
КIилчинмур барз – февраль (Второй месяц – февраль). Шамилчинмур барз – март (Третий месяц – март). Мукьилчинмур барз – апрель (Четвертый месяц – апрель). Ххюлчинмур барз – май (Пятый месяц – май). Ряххилчинмур барз – июнь (Шестой месяц – июнь). Мяйлчинмур барз – август (Восьмой месяц – август). УрчIилчинмур барз – сентябрь (Девятый месяц – сентябрь). АцIилчинмур барз – октябрь (Десятый месяц – октябрь). АцIния цалчинмур барз – ноябрь (Одиннадцатый месяц – ноябрь). АцIния кIилчинмур барз – декабрь (Двенадцатый месяц – декабрь). Шинай ацIния кIива барз буссар. (В году – двенадцать месяцев.) улча II – родина дарсирай – на уроке къуртал бувма – окончивший къуртал бувкун – когда окончит Халидлуяту – с Халида шайссар – становится хьунтIиссар – станет, получится
шавай дур [шǎвей ду:р] (хьун) – почти исполняется зий дур [зи: ду:р] (зун) – работает [над] (работать) хьун дурассар – [еще] не исполнилось чIириссар – меньше ахьтта [ǎхьттǎ:] – пешком лагарав [лǎгǎ:роув] – ходишь? ахьтта лагара [ǎхьттǎ: лǎгǎ:рǎ] – пешком хожу архну – далеко чIун – время дакъахьунссар – наверное, нет аьркинну – нужно ттущала – со мной (же) хьхьири II (хьхьирийн) – море (на море) ачу – иди, идем учин – сказать ччай уссиявча [уссиёвчǎ] – да, хотел гьунттий (гьунттийгу) [гьунтти:] – завтра Аллагьнайн щукру – благодарение Аллаху ххуллухъин баннав – счастливого пути (букв. да будет добрый путь) вищал – с тобой кIюрххил [кIуьрххил] (кIюрх III) – утром (утро) ччяни [ччаь:ни] – рано (б)изáра [(б)изǎ:рǎ] ((б)изан) – [как правило,] встаю (вставать) изайхту [изейхту] – как только встану гимнастика (III) дан (дара [дǎ:рǎ]) – заниматься гимнастикой дукáра [дукǎ:рǎ] (дукан) – [как правило,] ем (есть) чяй [чаьй] III – чай хIачIáра [гьаьчIаь:рǎ] (хIачIан [гьаьчIаьн]) – [как правило,] пью ягу – или лагáву [лǎга:ву] III – сливочное масло лагаврихун [лǎговрихун] – с маслом нис III – сыр барт III (-лил) – сметана бартлихун – со сметаной нисирахун – с сыром 10. чIумал – когда (от слова «чIун») тIисса – называются мукъул II – род. п. от слова «махъ» мяъна – значение аьдад – количество зий – работая зий дуссар – работает (постоянное время) зий дур – работает (в данное время) дяхтта – световое время хьхьурай – ночью баргъ II (бургъил) – солнце чани II – свет чани бан – светит, освещать битан – светить, сиять яргсса – яркий барз II (зурул) – месяц; луна чансса – меньше тIурча – что же касается цIан – темнота гьант(та) II (-лул, -ри, -рал) – сутки, суток къуртал шайссар – кончается къуртал шаву III – окончание шавривун – как только исполнится шаву III – исполнение байбишаву III – начало хъиривмур II, III – следующий нигьа буслай бур – боится нигьа буслай бакъар – не боится цIанная – от темноты цIаннаясса нигь – страх от темноты анавар буклай бур – торопится (для 2-го класса) анавар буклайнма бур – все еще торопится шаппами – те, кто дома нигьа къабусан – не бояться; чтобы не боялись цIаннал нигь – боязнь тьмы миллат (миллатру) – нация, народность чIявусса – много мюрщисса – малые; маленький мадара – в некоторой степени, в какой-то степени, довольно, более-менее хъунисса – большие ттуршварду – сотни ттуршазарардайсса – исчисляемый сотнями тысяч ярусса – аварцы даргал – даргинцы 11. ххирассия – любил школалийра – еще в школе цала – свой, -я, -и паччахIлугъ III – государство итабакьин (итабакьайссар) – выпускать (выпускает) буцин II – привести буккин (бувккуссар) II – обучиться (обучился), окончить (окончил, -а, -и) вава (-ра) – этот же тава (-ра) [тă:вă]– тот же цIанийсса – имени даву III – работа ялапар хъанан – жить ялапар хъанай буссар – живут (постоянно-повторное время) миннаву – среди них аьдад III (-рал) – количество ттуршвардайсса – исчисляющийся сотнями ккаллиссар – считается (считаются) лирчусса – превышающий (-ая, -ее, -ие) ихтилáт [ихтилă:т] II – разговор вил ци иш бур – как у тебя дела вила ци иш бур – а у тебя как дела къакIулли – не знаю рязира – согласен, -на та? – когда
жүктеу/скачать 2.46 Mb. Достарыңызбен бөлісу:
|