-бөлім. Мұнай сорғыш станциялар

448. Мұнай сорғыш станциялар:

1) ұңғымалар өнімдерін сығу сорғыш станцияларына дейін қайта айдауға;

2) МДҚ технологиялық қайта айдау;

3) резервуар ішіндегі қайта айдаулар;

4) МДҚ тауарлық мұнайды қайта айдауға арналған.

449. Мұнай сорғыш станциялар блокты автоматтандырылған орындауда жобаланады. Сорғыштар саны мен өнімділігі техникалық қызмет көрсету және жөндеу жүргізу үшін резервті ескере отырып, түсетін өнімнің максималды мөлшері бойынша есептеледі.

450. Жанатын өнімдерді қайта айдайтын сорғыштар үшін кіріс және қысымды желілерде әдетте, дистанционды басқарылатын, бітегіш немесе кесу құрылғыларын дистанционды ажырату және орнату қарастырылады.

451. Сорғыштарды тығыздау осы технологиялық ортаға арналған өндірістік процесс кезінде герметикалықты қамтамасыз етеді.

Сорғыштарда герметикалықты қамтамасыз ететін резервті майлы сорғышты қоса алғандағы автоматты қондырғылар қарастырылады.

452. Тез балқитын және жанатын өнімдерді соратын сорғыштар ғимараттары сорғыштармен бір негізде болатын электр қозғалтқыштарына тәуелсіз жерге тұйықталады.

453. Барлық сорғыштар жоғары деңгей сигналын операторлық ғимаратқа (диспетчерлік пункт) шығаратын пайдаға асырудың жабық жүйесіне дренаждалатын өнімді шығару үшін түптермен және дренажды құрылғылармен қамтамасыз етіледі.

454. Сорғыштарды тазарту және үрлеу кезінде сұйықтар трубақұбырлар бойынша ғимараттан тыс жерге герметикалық ыдысқа, ал көмір сутек булар мен газдар газ жинағыш жүйеге шығарылады. Трубақұбырлар орналасуы қауіпсіз қызмет көрсетуді ескере отырып жүргізіледі.

455. Трубақұбырларда өнімдердің мақсаты мен қозғалу бағыты, сорғыштарда белгілер мен нөмірлер технологиялық сызбаға сәйкес, сорғыштар мен электр қозғалтқыштарында айналу бағыты қысылу режимінде көрсетіледі.

456. Сорғыштарға арналған арматуралар сорғыш паспортына және трубақұбырлар сипатына сәйкес шартты қысым бойынша таңдап алынады. Ортадан тепкіш сорғыштың тастау трубасында кері қалқанша орнатылады.

457. Айналу бөліктерінде қоршау болмаған жағдайда сорғыштарды іске қосу және пайдалануға жол берілмейді.

458. Сорғыштарды пайдалану кезінде оның техникалық жағдайын сипаттайтын қысу қысымы және басқа параметрлерді бақылау қамтамасыз етіледі. Дұрыс жұмыс істемейтін және БӨҚАҚ уақытында тексерістен өткізілмеген сорғыштарды пайдалануға жол берілмейді.

459. Қозғалатын бөліктерді майлау, сальниктердегі, бүйір тығыздағыштарындағы және трубақұбырлар қосылыстарындағы жіберулерді сорғыш жұмыс істеп тұрғанда жоюға жол берілмейді.

Жұмыс істеп тұрған сорғыштардың қозғалатын бөліктерін майлауға жұмыстың тиісті қауіпсіз жағдайы болғанда жол беріледі. Сорғыштар подшипниктері жиі майланады. Подшипниктердің қалыптан жоғары қатты қызуына жол берілмейді. Подшипниктер температурасы бақыланады.

Сорғыштар мен арматураларды майлау үшін қатпайтын майлар қолданылады.

Подшипниктер мен герметизаторлардың корпустарын суыту үшін қатпайтын сұйықтар (антифриз) қолданылады. Суыту сұйықтары ретінде 30⁰С дейінгі температурадағы суды пайдалану кезінде ағынды бақылау үшін ашық түтікшелер немесе кәріздермен жалғанған қарау құрылғылары қолданылады.

460. Сорғыштарды пайдалану кезінде қондырғының герметикалығы тұрақты бақыланады. Сорғыш герметизаторлары мен трубақұбырлар қосылыстарындағы жіберулер технологиялық регламентке сәйкес жойылады.

461. Сорғыштың қауіпсіз жұмыс режимін бұзатын ақаулар анықталған жағдайда дайындаушының техникалық құжаттарына, технологиялық регламентке сәйкес оны тоқтату және жөндеу жүргізіледі. Сорғыштарды оның жұмыс істеу кезінде жөндеуге жол берілмейді.

462. Резервті сорғыш іске қосуға тұрақты дайындықта болады. Жұмыс істеп тұрған сорғыштан резервті сорғышқа көшу алдында тиісті ысырмалардың дұрыстығы мен сорғышты іске қосу дайындығы тексеріледі.

463. Сорғыштарды сорғыш және қысымды коллекторлардан ажырату үшін ысырмалар қолданылады.

Сорғыштарды тоқтату кезінде сұйық беретін трубақұбырлар сорғыш герметизаторларын суыту үшін жабылады.

464. Сорғыш ғимараттарындағы едендер мен лотоктар жуу құралдары қолданыла отырып сумен жуылады.

Жанатын және зиянды заттар болатын ағынды сулар өндірістік кәріздерге ағызу алдында тазартылады.

465. Персонал өтетін орындарды жабуға және жобада қарастырылмаған қондырғыларды орналастыруға жол берілмейді.

466. Коммуникациялар өтетін орындарда сорғыш ғимараттарда бөлу қабырғасы арқылы герметикалық тығыздағышы бар футлярлар орнатылады.

467. Ғимарат сыртында орналасқан қондырғылар мен өндірістік алаңдарды жылыту жылу серіктестері, қыздыру элементтері және климаттық жағдайларға байланысты жобада анықталатын жабуларды қарастырады.

468. Қататын мұнай өнімдерін қайта айдау кезінде келесі шарттар орындалады:

1) айдаудың технологиялық процесстері жұмысының үздіксіздігі;

2) сорғыштар мен трубақұбырлардың жылу оқшаулаулары мен жылытулары;

3) технологиялық сұйықтың циркуляциясыз учаскелерінің болмауы;

4) сорғыштар және трубақұбырлардың үрлеу және дренажды жүйесінің болуы.

469. Ашық алаңдарда орналасқан сорғыштарды жоспарлы тексерту жөндеу жылдың жылы мезгілінде немесе жылытылатын уақытша жабулар құрылғыларымен жүргізіледі.

470. Сорғыштарды пайдалану кезінде мұнай өнімдерінің және судың сорғыштарға түсу қауіптілігіне жол берілмейді.

471. Қызмет көрсету персоналының ашық сорғыш алаңдарында ұзақ болуын болдырмау үшін операторлықтағы сорғыштар жұмыстарына дистанционды бақылау жасау қарастырылады.

472. Ашық сорғыш алаңдарында қызмет көрсететін персоналды жылыту үшін сорғыштар жұмысын бақылауға ыңғайлы және байланыспен қамтамасыз етілген жылытылатын ғимараттар салынады.

474. Газды өндіру және айдау кен орындарын барлау жобасына сәйкес жүргізіледі.

476. Газдарды дайындау құрылғыларын іске қосу алдында қондырғылардың, трубақұбырлар, арматуралар, металлконструкциялар, жерге қосу құрылғылары, БӨҚАҚ, блокировкалар, желдеткіш, кәріздер, ЖҚҚ, ТО ЖҚҚ, ҰҚҚ, өрт сөндіру құралдарының дұрыс жұмыс істеуі тексеріледі, технологиялық жүйелер инертті газбен үрленеді. Үрлеу соңында шығатын газ талданады. Газды шығару газ жинау жүйесіне жүргізіледі.

477. Газдардың дайындау құрылғыларын пайдалануға қабылдау комиссиямен жүргізіледі.

Құрылғыларды технологиялық процесстерді бақылау, аварияға қарсы және өртке қарсы қорғаныс жүйесінің дұрыс жұмыс істемеуі кезінде іске қосуға жол берілмейді.

478. Газдарды дайындау құрылғылары автоматты басқару және технологиялық процессті реттеу құрылғыларымен қамтамасыз етіледі. Пневматикалық жүйелерді қоректендіру үшін БӨҚАҚ жұмысына пайдалану үшін сапасы және параметрлері бойынша сәйкес келетін құрғатылған және тазартылған ауа қолданылады.

479. Газдарды дайындау құрылғылары құрамында газды құрғату, жылыту және ингибирлеу жүйелері қарастырылады. Газ құбырындағы, арматуралардағы, қондырғылардағы, құралдардағы гидратты тығындар, еріткіштер, су, ыстық су енгізу, жүйедегі қысымды төмендету арқылы жойылады.

Қондырғыларды жылыту үшін ашық оттарды пайдалануға жол берілмейді.

480. Әрбір бу құбырында аппаратқа ену алдында кері қалқанша және аппараттағы жұмыс қысымына есептелген ажыратқыш құрылғы орнатылады.

481. Жұмыс істеп тұрған аппаратта жіберулер анықталған жағдайда қорғаныс қалқаншаларын реттеу, бекіту және тығындауға жол берілмейді.

482. Газ, конденсат және басқа технологиялық орталар сынамаларын алу қондырғылардағы максималды қысымға және өнім сипатына сәйкес келетін сынама алушылармен жүргізіледі. Дұрыс жұмыс істемейтін және дайындаушының техникалық құжаттары бойынша алты айда бір реттен жиі емес жүргізілетін тексеру мерзімі аяқталған инелі бұрандалары бар сынама алушыларды қолдануға жол берілмейді.

483. БӨҚАҚ щиттерінде орналасқан құралдар анықталатын және шектік рұқсат етілетін параметрлер көрсетіле отырып, технологиялық сызбаға сәйкес белгіленеді.

Сигнал беруші шамдар мен құралдар сигнал сипатын көрсететін жазулармен қамтамасыз етіледі.

484. Ескерту және авариялық сигнал беру тұрақты іске қосылған қалыпта болады.

485. Технологиялық персоналға технологиялық регламентте көрсетілген тәртіппен жекелеген құралдар мен автоматтандыру құралдарын авариялық ажыратуға рұқсат етіледі. Ажырату кезінде объектілердің жарылыс өрт қауіпсіздігін қамтамасыз ететін шаралар орындалады.

486. БӨҚАҚ, блокировкалау және сигнал беруші құрылғыларды ревизиялау жоспарлы-ескерту жөндеулерінің кестелері және ұйымның техникалық жетекшісі бекіткен кестеге сәйкес жүргізіледі.

487. Қондырғыларды, аварияға қарсы және өртке қарсы автоматты қорғаныс қондырғыларын басқару, трубақұбырларды, байланыс және хабарландыру жүйесін реттеу, жөндеу және сынау жөніндегі жұмыстар ұшқын шығаруды болдырмайды.

Газдарды дайындау құрылғыларын пайдалану кезінде осындай жұмыстарды жүргізу үшін жарылыс өрт қауіпсіздігі аумақтарында наряд-рұқсат беру рәсімделеді.

10-бөлім. Газокомпрессорлық станциялар
488. Компрессорлық құрылғылардың ғимараттары мен алаңдарында жобада қарастырылмаған компрессорлармен технологиялық және конструктивті байланыссыз аппаратуралар мен қондырғыларды орналастыруға жол берілмейді.

489. Компрессорларды жарылыс қауіпті және қондырғылар тот басуы пайда болатын және адам ағзасына зиян әсер ететін химиялық қауіпті өндірістер орналасқан аралас ғимараттарда орнатуға жол берілмейді.

490. Компрессорлық құрылғы ғимаратында компрессорларды, көмекші қондырғылар мен электр қондырғыларды жөндеуге арналған алаңдар қарастырылады. Жөндеу жұмыстарын орындау үшін компрессорлық құрылғылар жүк көтергіш құрылғыларымен және механизация құралдарымен жабдықталады.

491. Компрессорлық құрылғы ғимараттары желдеткішпен жабдықталады.

492. Газ компрессорлық станциияларды қауіпсіз пайдалану үшін басқарудың келесі негізгі құралдары қолданылады.

1) ТП АБЖ;

2) тасымалданатын өнімдердің технологиялық параметрлерін бақылау құралдары;

3) компрессорлық қондырғыны диагностикалау жөніндегі құралдар жүйесі;

4) компрессорлық ғимараттағы ауа ортасын бақылау жүйесі;

5) желдеткіш, жылыту, кәріз жүйесі;

6) аварияға қарсы және өртке қарсы қорғаныс, технологиялық параметрлердің бұзылуы туралы ескерту сигнал беру жүйесі;

7) технологиялық параметрлердің шектік жіберілетін мәні, ауа ортасы газдануының қоспалар жарылысының жіберілетін шегінен артық болғанда, желдеткіш дұрыс жұмыс істемеген кезде, компрессорлық ғимаратта авариялық сигнал беру және іске қосылған кезде компрессордың тоқтатылуын блокировкалау;

8) компрессорлық және операторлық ғимараттағы басқару пуьты;

9) радио байланыс және телефон байланысы;

10) өрт сөндіруге арналған құрылғылар мен құралдар.

493. Газ компрессорлық станцияны пайдалануға қабылдау комиссиямен жүргізіледі.

494. Резервті компрессорлық қондырғы тұрақты дайындықта болады және негізгі қондырғы дұрыс жұмыс істемегенде немесе жөндеуде болғанда іске қосылады.

495. Компрессорлар дайындаушының техникалық құжаттарына және жоба талаптарына сәйкес орын алмастыратын өнімдер қасиеттерін ескере отырып, дұрыс жұмыс істейтін арматуралардан, БӨҚАҚ, қорғаныс және блокировка жүйелерімен жинақталады.

Дайындаушының техникалық құжаттары және технологиялық регламентке сәйкес кесте бойынша қорғаны қалқаншаларының жағдайы тексеріледі.

496. Компрессорларды пайдалану дайындаушының техникалық құжаттары мен технологиялық регламентке сәйкес жүргізіледі.

Әрбір компрессорлық құрылғы техникалық құжатпен қамтамасыз етіледі:

1) компрессорлық құрылғы және жинақтаушы бұйымдардың паспорты (формуляр) мен сертификаты;

2) ысырмаларды, бұрандаларды, ылғал май бөлушілерді, аралық және ұштық мұздатқыштарды, ауа жинағыштарды, бақылау-өлшеу құралдарын, электр кабельдер, автоматика сызбаларын көрінетін орындарға демонстрациялаумен орналастыру орындарын көрсете отырып, газ компрессорлық станциялар, трубақұбырлар (сығылған ауа, газ, су май) сызбалары;

3) компрессорлық құрылғыны қауіпсіз пайдалану және қызмет көрсету жөніндегі технологиялық регламент;

4) компрессор жұмысын тіркейтін журнал;

5) дәнеркер қосылыстарды тексеру нәтижелерін тіркеу арқылы компрессорлық құрылғыларды жөндеуді тіркеу журналы (формуляр);

6) компрессорлық майдың паспорт сертификаттары және оның зертханалық анализінің нәтижелері;

7) қысыммен жұмыс істейтін ыдыстар паспорттары;

8) компрессорлық құрылғыларды жөндеу кестесі.

497. Компрессорлық құрылғы суыту суын беруді тоқтату кезінде, сығылатын ауа немесе газ температурасы жіберілетіннен жоғары болғанда дыбыс және жарық сигнал беруді қамтамасыз ететін және қозғалыс механизмін майлау үшін май қысымының жіберілетінен төмен төмендеуі кезінде компрессордың автоматты тоқтауы кезінде, жіберілетін технологиялық параметрлердің артуы кезінде аварияға қарсы қорғаныспен жабдықталады.

498. Техникалық сипаттарына сәйкес келмейтін газдарды компримирлеу компрессорларды қолдануға жол берілмейді.

499. Компрессор қабылдау үшін газ беру жарық және дыбыс сигнал берушілермен, сепаратордағы сұйықтың жіберілетін деңгейіне жеткен компрессорды тоқтататын блокировкамен жабдықталған сұйық бөлгіштер (сепараторлар) арқылы іске асырылады.

500. Компресссорлар мен газ құбырларын қосу дайындаушының техникалық құжаттары, технологиялық регламент және жоспарлы – ескерту жөндеулер кестелерінде көрсетілген мерзімдерге сәйкес герметикалыққа тексеріледі.

501. Қондырғыларды пайдалану және техникалық қызмет көрсету және жөндеу жөніндегі жұмыстарды нақты жағдайлар ескеріле отырып, жүргізу жобалық құжаттарға және технологиялық регламентке сәйкес жүргізіледі.

502. Жұмыс істеп тұрған компрессорларды қараусыз қалдыруға жол берілмейді. Компрессорлық қондырғыларға қызмет көрсету оқытылған персоналмен жүргізіледі.

503. Компрессорлық құрылғы ғимаратына бөтен адамдарға кіруге болмайды, кіру есігінің сыртында құрылғыға қызмет көрсететін персоналды шақыруға арналған сигнал беру орнатылады, ескерту белгілері мен плакаттар ілінеді.

504. Компрессорлық құрылғының машина залы ғимаратында және жарылыс өрт қауіпсіздігі аумақтарда жеңіл от алатын сұйықтар сақтауға жол берілмейді.

505. Компрессорды ревизия, жөндеу және ұзақ ажыратудан кейін (резервтегіден басқа) іске қосу бақылау тұлғасының жазбаша рұқсаты бойынша жүргізіледі.

Әрбір компрессорды іске қосу алдында персонал құрылғының техникалық жағдайын, майлау және суыту жүйесін тексереді, технологиялық регламентке сәйкес іске қосуды жүргізеді.

506. Компрессорлық құрылғыны пайдалану кезінде бақылауға алынады:

1) компромирлеудің әрбір сатысынан кейін газ температурасы мен қысымы;

2) мұздатқыштан кейінгі компримирленген газ температурасы;

3) компрессорлар мен мұздатқыштарға суыту суының түсуі;

4) суыту жүйесінен шығатын және түсетін суыту суының температурасы;

5) майлау жүйесіндегі май қысымы мен температурасы;

6) электр кернеулігінің шамасы және статор тогының күші, ал синхронды электр жетекті кезінде – электр двигателі роторының күші;

7) герметизаторлар, лубрикаторлардың техникалық жағдайы және май деңгейі;

Технологиялық регламентпен белгіленген уақыт аралығындағы құралдар көрсеткіштері екі сағаттан жиі емес журналда тіркеледі.

Журналда компрессорды іске қосу және тоқтату, тоқтату себептері, байқалған бұзушылықтар, қорғаныс клапандары мен манометрлерді мерзімді тексеру, конденсатты түсіру және ылғал май бөлгіштерден, ауа жинағыштардан және басқа ыдыстардан май шығару, май және ауа фильтрлерін тазарту және ауыстыру уақыты көрсетіледі.

Жұмыс журналы ауысым сайын компрессорлық қондырғының пайдалану қауіпсіздігін қамтамасыз ететін қызметкермен тексеріледі және қол қойылады.

507. Ауа фильтрлері жоспар-ескерту жөндеу кестесінде көрсетілген мерзімдерде тексеріледі және ауыстырылады.

508. Компрессорлық құрылғылардың сыртқы қарауы, сыртқы беттерді тексеру жүргізіледі. Ағулар мен бұзушылықтар себептері журналда тексеріле отырып жойылады.

Сүрту материалдары ретінде мақта қағаз немесе зығыр материалдар қолданылады.

509. Қысым астындағы қондырғылар мен трубақұбырларды жөндеу және тазартуға жол берілмейді.

510. Компрессор:

1) технологиялық регламентте көрсетілген бұзушылықтар;

2) компрессордың кез келген сатысындағы және қысымды желінің рұқсат етілген қысымынан жоғары манометр көрсеткіштері;

3) қозғалыс механизмін майлау жүйесінің манометрінің төменгі шегінің рұқсат етілгеннен төмен қысымының көрсеткіші;

4) суытылған судың немесе суыту жүйесінің басқа авариялық ақауларының берілуін тоқтатуы;

5) компрессор, двигательдердегі қағулар, соққыларды немесе аварияға әкелетін ақаулардың анықталуы;

6) дайындаушының техникалық құжаттарында белгіленген газ, ауа температурасы;

7) өрт;

511. Компрессорлық құрылғы ақаулары жойылғаннан кейін журналға жаза отырып, бақылау тұлғасының рұқсаты бойынша пайдалануға енгізіледі.

512. Газ компрессорлық станцияларды техникалық куәландыру және қондырғыларды диагностикалау дайындаушының техникалық құжаттары бойынша жүргізіледі.

513. Ашық оттарды пайдалану ғимараттарда және компрессорлық алаңдарда пайдалануға жол берілмейді.

Ашық оттар электрмен дәнекерлеу арқылы монтаждау және жөндеу жұмыстарын жүргізу наряд-рұқсат беру бойынша жүргізіледі.

514. Газ компрессорлық станцияның жеке қондырғыларының трубақұбырларын жөндеу үшін:

Бітегіш орналастыра және журналға жаза отырып, жұмысты ұйымдастыру жоспары бойынша арматурамен ажырату;

Қауіпсіздіктің ескерту және тыйым салатын белгілері орнатылады.

Қоршаулары бар жұмыс алаңдары мен орындары, қорғаныс және өрт сөндіру құралдарын дайындау жүргізіледі.

Жұмыстар наряд-рұқсат беру рәсімделе отырып жүргізіледі.

Жұмыс басталу алдында объект жетекшісі және жұмыс орындаушылар объектінің дайындығы мен қондырғыларды жөндеуге акті бойынша беруді тікелей тексереді.

Жұмыстар бекітілген және келісілген жұмысты ұйымдастыру жоспарына сәйкес жүргізіледі.

515. Газ компрессорлық станциялардың жөндеу жұмыстарының, трубақұбырлар мен қондырғыларын сынау нәтижелері акт (хаттама) жасала отырып, компрессорлық құрылғылардың жөндеуін тіркеу журналына (формулярына) қол қоя отырып тіркеледі, соның нәтижесінде объект жетекшісі құрылғыларды іске қосуға жазбаша рұқсат береді.

11-бөлім. Факельді жүйе
516. МГК барлау объектілерінде факельді жүйелеу жобаға сәйкес белгіленеді және пайдаланады.

517. Факельді жүйе құрамына енгізіледі:

1) жалпы факельді коллектор;

2) ортақ факельді жүйеге дейінгі жеке ғимараттар мен объектілердің жеке газ құбырлары;

3) сепараторлар;

4) конденсат жинаушылар;

6) оттықтары және жинақтау бұйымдары бар факельді бағандар;

7) жұмыс факельді құрылғылар мен оттықтардың басқару пульты;

8) автоматизациялау; аварияға қарсы және өртке қарсы қорғаныс жүйесі.

Егер факельді бағанның лабиринтті тығыздағышы болмаса және факельді жүйе үрлеу (бітегеш) газымен қамтамасыз етілмесе, факельді баған алдынан отты ұстайтын құрылғы орнатылады.

518. Факельді бағандар саны факельді жүйелер санына сәйкес келеді.

Факельді бағандар арасындағы қашықтық көршілес факельдің жұмыс істеуінің жөндеу шартында анықталады.

Газды жандыруға арналған факельді құрылғы бағанынан өндірістік және көмекші ғимараттар мен имараттар және сыртқы құрылғылар арасындағы қашықтық санитарлық зиянды заттардың нормалар бойынша таралуы ескеріле отырып анықталады.

519. Факельді бағандардың биіктігі мен орналастыру орны алаңның топографиясына, қоршаған ауыл шаруашылығы жерлері мен тұрғын кенттердің орналасуына, басымды жел бағытының қарқындылығына, өртке қарсы талаптарды ескеруге, факель негізіндегі жылу кернеулігі және жану өнімдерінің құрамында болатын зиянды заттардың атмосфераға таралу есептеріне байланысты анықталады.

Максималды жылу кернеулігі факель жалынынан артпайды:

1) факельді баған негізінен (персоналды қауіпті аумақтан 20 секунд ішінде шығу шартында - 4,8 кВт/м² (17 МДж/м²·сағ);

2) қызмет көрсететін және қондырғыларды жөндейтін персоналдың шектеусіз уақыт болу орындарында (5 МДж/м²·сағ).

520. Факельді баған жабдықталады:

1) факельдің дистанционды жану жүйесімен;

2) тұрақты жану оттықтарымен (кезекші оттық);

3) факель диаметрі 100 мм және одан жоғары болғанда лабиринтті тығыздағышпен (газ статитикалық бітгіш).

Тұрақты жану оттықтары мен лабиринтті тығыздағыштар үшін газ беру технологиялық құрылғылардың жұмысына байланыссыз қысым астында болатын отын газы желісінен қарастырылады.

521. Факельді газ құбырларын сынау және жөндеу жұмыстарын жүргізу үшін бітегіш құрылғылары үшін фланцті қосылыстар қарастырылады.

522. Факельді жүйенің трубақұбырлары, арматуралары жылытумен (жылу тасымалдағыш) және жылу оқшаулаумен қамтамасыз етіледі.

523. Факельді құрылғылар автоматизация және бақылау жүйесімен қамтамасыз етіледі.

Факельді жүйенің бақылау және автоматизация жүйесі:

1) үрлеу (бітегіш) газының шығынын тіркеуді;

2) кезекші оттықтарға отын газының минималды қысымына сигнал беруді;

3) оттық жалынының сөнуіне сигнал беруді;

4) конденсат жинағыш пен гидро бітегіштердегі сұйықтардың максималды және минималды деңгейіне сигнал беруді;

5) гидро бітегіштегі минималды температураға сигнал беру және тіркеуді қамтамасыз етеді.

Факель конструкциясы жалынды бақылау құрылғылары мен дистанционды жандыру аппаратураларының мүмкіндігін қамтамасыз етеді.

Параметрлерді жергілікті бақылауға жол беріледі:

1) жандыру жүйесіндегі және реттеуші қалқаншалар немесе бұрандаларға дейінгі отын газы мен ауасының қысымы;

2) конденсат жинағыштағы сұйық деңгейі.

524. Факель бағанынан алаң қоршауына, жоба бойынша өндірістік объектілерге дейінгі қауіпсіз қашықтық 50 м кем емес.

525. Факельдер маркирлеумен және жарық белгілерімен қамтамасыз етіледі.

526. Факельді құрылғылар аумақтары 50 м кем емес радиуста қоршалады.

Факельді жандыру дистанционды басқарылатын автоматты режимді жүргізіледі. Әрбір факель дайындаушының техникалық құжаттары бойынша тазартылған отын газы берілетін кезекші оттықпен жабдықталады.

527. Аумақ қоршауы шегінде траншеялар, құдықтар орналастыруға жол берілмейді.

528. Персоналдың факельді жүйесінің қауіпсіздігін қамтамасыз ететін бақылау тұлғасының рұқсатынсыз аумақта болуына жол берілмейді.

529. Факельді жүйе әрбір іске қосу алдында инертті газбен үрленеді.

530. Жөндеу жұмыстарын жүргізу алдында жұмыстарды ұйымдастыру жоспары әзірленеді. Факельді жүйе технологиялық құрылғылардан оттегінің 18 % кем емес болуы және зиянды заттардың ШЖК артық болмауы көлеміне дейін жанатын заттарды ауамен үрлеу арқылы толық бітегіштермен ажыратылады және инертті газбен үрленеді (немесе буланады).

531. Факельді бастарды жөндеу биіктікте жұмыс істеу кезіндегі жеке қорғаныс құралдарын, қорғаныс құралдарын пайдалана отырып жүргізіледі.

Қолданыстағы факельді құрылғылардың қоршау аумағында болу кезінде жұмыстар жылу қорғаныс киімдерінде жүргізіледі.

532. Күн күркіреу кезінде факельді құрылғылар аумағында болуға және металл бөліктеріне, трубаларға және конструкцияларға тиісуге жол берілмейді.

533. Факельді құрылғыны пайдалану және жөндеумен байланысты емес қызметкерлерге қоршау аумағында болуға жол берілмейді.

534. Факельді құрылғылар өрт сөндіру құралдарымен қамтамасыз етіледі.