Мүрәлінов К.Қ., Махмутов А.Қ., Мүрәлінова Ж. К
Несеп-жыныс каналына жасанды тесік жасау (urethrostomia)
жүктеу/скачать 4.96 Mb. Pdf көрінісі
|
- Бұл бет үшін навигация:
- Қуыққа жасалатын операциялар
- Қуықты тесу (punctio vesicae)
| Несеп-жыныс каналына жасанды тесік жасау (urethrostomia)
Көрсетуі. Жануарларда несеп-жыныс каналының дистальдық бөлімінің өткізгіштігі азайғанда немесе жыныс мүшесінің керең ампутациясында. Жансыздандыру және бекіту – уретротомиядағыдай. Операция техникасы. Операцияны шаптық уретротомиядағыдай бастайды: алдымен катетерді енгізеді (егер ол мүмкін болса), содан соң шаптық ұлпаларды, несеп-жыныс каналымен қоса жарып тіледі. Несеп- жыныс каналының кілегейлі қабығын жараның жоғарғы бұрышынан бастап, шап терісіне түйінделген тігіспен жапсыра тігеді (сурет 146). Тігілген кілегейлі қабықты дезинфекциялайтын май қабатымен жабады. Операциядан кейін малдың несебі жасалған тесік арқылы шығады. Сурет 146 Жылқының шаптық уретростомиясы Қуыққа жасалатын операциялар Анатомо - топографиялық деректер. Қуық жамбас қуысында орналасады және оның толтырылу дәрежесіне тәуелді орны өзгереді. Ет қоректілердің басқа малдармен салыстырғанда қуығы алға көбірек итеріліп шығарылады. Еркек малда қуықтың дорсальды қабырғасы тік ішекке, ал ұрғашыларда жатырға тиіп тұрады. Қуықтың мойынына жақын маңда дорсальды қабырғада несеп ағызғыштар құйылады. Қуықтың сірлі қабығы екіжапырақты көк ет бүрмесін, ал ол кіндік көпіршік, мықын көпіршік және қос жақтық қуық будаларын қалыптастырады. Қанмен қамтамассыз ету – краниальдық көпіршік (кіндік артерияның бұтағы) және каудальдық көпіршік (геморридальдық орта артерия бұтағы) артериялармен. Жүйкелену жамбас жүйкенің парасимпатикалық талшықтарымен және жамбас симпатикалық өрімінің симпатикалық жүйкелерімен жүзеге асады. 192 Қуықты тесу (punctio vesicae) Көрсетуі. Ұсақ және сирек жағдайда ірі малда жиналған несепті катетер арқылы шығаруға мүмкіндік болмағанда жасалады. Бекемдеуі: Ұсақ малды жатқызып, ірі малды түрегеп тұрған жайда жасайды. Жансыздандыру. Қажетсіз. Операция техникасы. Ұсақ малды инъекциялық мандрені бар инемен теседі. Тесу орыны мықын сүйегімен кіндік аралық ара қашықтық ортасында, орталық ақ сызықтың бір бүйірінен. Теріні шетке жылжытқаннан кейін, инемен құрсақ және қуық қабырғасын жігерлі түрткімен тесіп, иненің мандренасын алып несепті үзіліспен шығарады. Ірі мал еркектерінің несебін қуықты тік ішек арқылы тесіп шығарады. Ол мақсатқа, иілген ұзын арнайы троакар немесе резеңке түтік қосылған қан алатын инені пайдаланады. Тесуді ішектің төменгі қабырғасы арқылы істейді. жүктеу/скачать 4.96 Mb. Достарыңызбен бөлісу:
|