Тиісті фармацевтикалық практикаларды бекіту туралы
Донорлық қаннан немесе плазмадан алынатын дәрілік препараттарды өндіруге қойылатын талаптар
жүктеу/скачать 0.97 Mb.
|
| Донорлық қаннан немесе плазмадан алынатын дәрілік препараттарды өндіруге қойылатын талаптар
Осы Талаптардың мақсаты үшін мынаны білдіретін ұғымдар қолданылады: "қан компоненті" (blood component) - әртүрлі әдістермен дайындалуы мүмкін емдік қан құрамы (эритроцитер, лейкоциттер, тромбоциттер және плазма); "қан" (blood) – донордан алынған және трансфузия үшін немесе әрі қарай өндіру үшін өңделген тұтас қан; "донор қанынан немесе плазмадан алынатын дәрілік препараттар" (medicinal products derived from human blood or human plasma) – мемлекеттік немесе мемлекеттік емес кәсіпорындарда өндірістік жолмен өндірілген қан компоненттерінің негізіндегі дәрілік препараттар; "өңдеу" (processing) – қан компоненттерін алу кезеңдерінің кез келгені, ол қан алудан кейін, қан компонентерін алу (мысалы, қан компонентерін айыру және қатыру) алдында жүзеге асырылады. Осы Талаптарда қан алу жөніндегі мекемелерде орындалатын, фракциялау үшін пайдаланылатын плазма үшін тән болып табылатын операциялар да қосымша өңдеу деп түсіндіріледі; "плазманың негізгі дерекнамасы – дәрілік препараттың тіркеу дерекнамасына кірмейтін бөлек құжат. Онда аралық фракцияларды (субфракцияларды), қосымша заттарды және плазманың бөлігі болып табылатын белсенді фармацевтикалық субстанцияларды, дәрілік препараттарды немесе медициналық бұйымдарды өндіру үшін бастапқы шикізат ретінде пайдаланылатын тұтас донорлық плазма сипаттамасына қатысты барлық тиісті нақты ақпарат бар; "жауапты тұлға" (Responsible Person) – қан алу (тексеру) жөніндегі мекемелерде төмендегі айтылғандарға жауапты болатын арнайы тағайындалған тұлға: әрбір бірліктегі, олардың тағайындалуына қарамай-ақ, қанды немесе оның компоненттерін алуды және тексеруді, сондай-ақ (трансфузияға арналған жағдайда) оларды өңдеудің, сақтаудың және босатудың заңнамаға сәйкес жүргізілуін қамтамасыз ету; ұсыныс жасауға, рұқсат беруге, аккредитациялауға немесе лицензиялауға қатысты уәкілетті органдарға (ұйымдарға) тиісті ақпаратты жеткізу; қан алу (тексеру) мекемелерінде заңнаманың барлық талаптарының орындалуына. Жауапты тұлға біліктілігіне қатысты келесі шарттар қойылуы тиіс: медицина немесе биология саласынан жоғары білімінің болуы; донордан қан және қан компоненттерін алу (тексеру) немесе оларды өңдеу, сақтау немесе тарату саласы бойынша ең кемінде 2 жыл жұмыс өтілінің болуы. Жауапты тұлғаның осы тармақта көрсетілген міндеттері тиісті мамандығы бар және осы міндеттерді орындау үшін жұмыс өтілі бар басқа тұлғаларға берілуі мүмкін. Қанды алу (тексеру) мекемелері уәкілетті органға жоғарыда көрсетілген 1 тармақтағы міндетті жауапты тұлғаның, сондай-ақ жоғарыда көрсетілген 3 тармақтағы басқа тұлғалардың тегін (аты, әкесінің аты) оларға жүктелген нақты міндеттер жөніндегі ақпаратпен бірге мәлімдеуі тиіс. Егер жауапты тұлға немесе осы тармақта көрсетілген тұлғалар тұрақты немесе уақытша негізде алмасса, қан алу (тексеру) жөніндегі мекеме жаңа жауапты тұлғаның тегін (аты, әкесінің аты) және оның тағайындалған күнін уәкілетті органдарға (ұйымдарға) бірден хабарлауы тиіс; "фракциялауға арналған плазма" (plasma for fractionation) – антикоагулянты бар контейнерге сұрыптап алынған, қанның жасушалық компоненттерін бөлгеннен кейін қалатын, немесе афереза процедурасы кезінде антикоагулянты бар қанды үздіксіз сүзу немесе центрифугалау жәрдемімен сепарациялаудан кейін қалатын донор қанының сұйық бөлігі. Фракциялауға арналған плазма плазмадан, атап айтқанда, альбуминнен, қан ұю факторларынан және адам иммуноглобулинінен алынатын дәрілік препараттарды өндіруге арналған; "қан препараттары" (blood products) – донор қанынан немесе плазмадан алынған дәрілік препараттар; "үшінші елдер үшін келісімшарт бойынша фракциялау бағдарламасы" (third countries contract fractionation program) – үшінші елдерден алынған бастапқы шикізатты пайдаланып, донор плазмасынан дәрілік препараттарды фракциялау немесе өндіру жөніндегі кәсіпорындарда келісімшарт бойынша фракциялау жүргізу; "уәкілетті тұлға" (Qualified Person) – бұл дәрілік заттарды өндіруші тағайындаған тұлға, ол дәрілік заттардың оларды мемлекеттік тіркеу кезінде белгіленген талаптарға сәйкес келуін қадағалайды және дәрілік заттардың осы Тиісті өндірістік практика стандарты талаптарына сәйкес өндірілуіне кепілдік береді. Уәкілетті тұлғаның міндеттері Тиісті өндірістік практика стандартының І бөлімінің 2 тарауында және Тиісті өндірістік практика стандартының № 16 Қосымшасында толық сипатталған; "қан алу (тексеру) жөніндегі мекеме" (blood establishment): донор қанын немесе қан компоненттерін алу мен тексерудің, олардың әрі қарай арналуына қарамай-ақ, кез келген аспектісіне, сондай-ақ трансфузияға арналған жағдайда олардың өңделуіне, сақталуына және жеткізілуіне жауапты мекеме. Бұл термин ауруханаларда қан қорларына қолданылмайды, бірақ плазмаферез жүргізілетін мекемелерге қолданылады; "фракциялау, фракциялау жөніндегі кәсіпорын" (fractionation, fractionation plant): фракциялау –кәсіпорында (фракциялау жөніндегі кәсіпорын) әртүрлі, мысалы, тұнбаға түсіру, хроматография сияқты физикалық және химиялық әдістердің жәрдемімен плазма компоненттерін бөлетін (тазалайтын) технологиялық процесс. 1. Қолданылу саласы 1.1. Осы Талаптардың Ережелері басқа елдердің аумағында фракцияланған немесе импортталған донор қанынан, не болмаса плазмадан алынатын дәрілік препараттарға қолданылады. Осы Талаптар осындай дәрілік препараттар үшін бастапқы шикізатқа да (мысалы, донор қанына) қолданылады және медициналық бұйымдарды қамтитын донор қанының немесе плазманың (мысалы альбуминнің) тұрақты фракцияларына да қолданылады. 1.2. Осы Талаптар донор қанынан немесе плазмадан алынатын дәрілік препараттарды фракциялау үшін және өндіру үшін пайдаланылатын донор қанын өндіруге, сақтауға және тасымалдауға қатысты арнайы талаптарын белгілейді. 1.3. Осы Талаптар бастапқы шикізат үшінші елден импортталған жағдайлар, сондай-ақ үшінші ел үшін келісімшарт бойынша фракциялау бағдарламалары жағдайларындағы арнайы ережелерді белгілейді. 1.4. Осы Талаптар трансфузияға арналған қан компоненттері үшін қолданылмайды. 2. Қағидаты 2.1. Донор қанынан немесе плазмадан алынатын дәрілік препараттар (сондай-ақ бастапқы шикізат ретінде пайдаланылатын олардың активті фармацевтикалық субстанциялары) Тиісті өндірістік практика стандарттарына, сондай-ақ дәрілік препараттың тіркеу дерекнамасына да сәйкес келуі қажет. Олар биологиялық дәрілік препараттар және бастапқы шикізат ретінде қарастырылады, оларда адам жасушалары немесе сұйықтықтары (қанды немесе плазманы қоса) сияқты биологиялық субстанциялар бар. Шикізат көздерінің табиғаты биологиялық болғандықтан, олардың өзіне тән белгілі ерекшеліктері болады (мысалы, егер бастапқы шикізат жұқпалы агенттермен, әсіресе вирустармен контаминацияланса). Сондықтан осындай дәрілік препараттардың сапасы мен қауіпсіздігі бастапқы шикізаттың және оның шығу көздерінің бақылануына, сондай-ақ жұқпалы маркерлерді тексеруді, вирустарды жою және активтілігін жоюды қоса, әрі қарай жүргізілетін технологиялық рәсімдерге де байланысты. 2.2. Дәрілік препарат үшін бастапқы шикізат ретінде пайдаланылатын барлық активті фармацевтикалық субстанциялар Стандарт талаптарына жауап беруі тиіс (осы Қосымшаның 2.1 тармағын қараңыз). Донор қанынан немесе плазмадан алынатын бастапқы шикізатты алу мен тексеруге қатысты келесі белгіленген талаптарды ұстану қажет: алу мен тексеруді стандарттарға және спецификацияларға сәйкес келетін тиісті сапа жүйесіне сай жүргізу тиіс; донордан бастап реципиентке дейінгі қадағалануына қатысты және күрделі жағымсыз реакциялар мен күрделі жағымсыз құбылыстар жөніндегі ескертпелерге қатысты қолданыстағы талаптарды орындау тиіс; фармакопеялық талаптар басшылыққа алу тиіс. 2.3. Үшінші елден импортталатын донор қанынан немесе плазмадан алынатын дәрілік препараттарды өндіруге арналған бастапқы шикізат, егер бұл дәрілік препараттар басқа мемлекеттерде қолдану немесе таратуға арналған дәрілік препараттар болса, қанды алу (тексеру) жөніндегі мекемелердің сапа жүйесіне қатысты мемлекеттердің баламалы қолданыстағы нормаларына жауап беруі қажет. Сонымен қатар, донордан бастап реципиентке дейінгі қадағалануы бойынша және күрделі жағымсыз реакциялар мен күрделі жағымсыз құбылыстар жөніндегі ескертпелерге қатысты белгіленген талаптар орындалуы, сондай-ақ қанның және оның компоненттерінің қолданылып жүрген талаптарға сәйкестігі қамтамасыз етілуі тиіс. 2.4. Үшінші елдермен келісімшарт жөніндегі фракциялау бағдарламаларын орындаған кезде елдерден импортталған бастапқы шикізат мемлекеттердегі қолданыстағы талаптарға сәйкес болуы тиіс. Мемлекеттерде жүргізілетін жұмыстар Стандартқа толықтай сәйкес келуі қажет. Қан алу (тексеру) жөніндегі мекемелер сапасының жүйесіне қатысты Одақтағы қолданыстағы талаптарды орындаған жөн. Сонымен қатар, донордан бастап реципиентке дейінгі қадағалануы бойынша және күрделі жағымсыз реакциялар мен күрделі жағымсыз құбылыстар жөніндегі ескертпелерге қатысты белгіленген талаптар орындалуы, сондай-ақ қанның және оның компоненттерінің қолданылып жүрген талаптарға сәйкестігі қамтамасыз етілуі тиіс. 2.5. Стандарт қанды алу мен тексеруден кейінгі барлық сатыларына (мысалы, өңдеу (бөлуді қоса), қатыру, сақтау және өндірушіге тасымалдау) таратылады. Әдеттегідей, бұл қызмет дәрілік заттарды өндіруге лицензиясы бар кәсіпорынның уәкілетті тұлғасының жауапкершілігі саласында болады. Егер өңдеудің плазманы фракциялауға арналған спецификалық кезеңдері қанды алу (тексеру) жөніндегі мекемелерде жүргізілсе, онда арнайы Уәкілетті тұлға тағайындалуы мүмкін, алайда оның өндірістік учаскеде болу уақытына және жауапкершілігіне қойылатын талаптар жауапты тұлғаның өндірістік учаскеде болу уақытымен және жауапкершілігімен тепе-тең болмауы мүмкін. Осы айрықша жағдайды шешу үшін және уәкілетті тұлғаның мемлекет заңнамасымен қарастырылған міндеттемесінің тиісінше орындалуын қамтамасыз ету үшін, фракциялау жөніндегі кәсіпорынның (дәрілік препараттарды өндірушінің) қанды алу (тексеру) жөніндегі мекемемен келісімшарты болуы тиіс. Келісімшарт Стандарттың 1 бөлігінің 7 тарауында сипатталған талаптарға жауап беруі тиіс, онда сапаны қамтамасыз ету үшін тиісті міндеттемелер және нақты талаптар белгіленеді. Қанды алу (тексеру) жөніндегі мекеменің жауапты тұлғасы және фракциялау жөніндегі кәсіпорынның уәкілетті тұлғасы (дәрілік препараттарды өндіруші) аталған келісімшартты құрастыруға қатысулары қажет. Қанды алу (тексеру) жөніндегі мекеменің аталған келісімшарттың шарттарын орындайтынын растау үшін уәкілетті тұлға тиісті аудиттерді жүргізуді қамтамасыз етуі қажет. 2.6. Құжаттамаға қойылатын арнайы талаптар және плазмадан алынатын дәрілік заттар үшін бастапқы шикізатқа қатысты басқа да шаралар плазманың негізгі дерекнамасында көрсетіледі. 3. Сапаны басқару 3.1. Сапаны басқару донорлардан алудан бастан дайын өнімді жеткізуге дейінгі барлық сатыларды қамтуы тиіс. Фракциялау жөніндегі кәсіпорынға плазманы жеткізу кезеңінде, жабдықтау кезеңінің өзін де, сондай-ақ дәрілік препараттарды өндіруге арналған донор қанын немесе плазманы алумен және тексерумен байланысты барлық сатыларды қадағалауға қатысты қолданыстағы талаптарды орындаған жөн. 3.2. Дәрілік препараттарды өндіру үшін шикізат ретінде пайдаланылатын қанды немесе плазманы алуды қан алу (тексеру) жөніндегі мекемелерде жүргізген жөн, ал тексеруді белгіленген талаптарға жауап беретін, уәкілетті орган берген тиісті рұқсаты бар сапа жүйесін қолданатын зертханаларда жүргізу керек. Өндірушіде үшінші елдерге арналған келісімшарттар бойынша фракциялау бағдарламасы бар болғанда, ол уәкілетті органды бұл жөнінде хабардар етуге міндетті. 3.3. Плазманы үшінші елден импорттаған жағдайда оны бекітілген жеткізіп салушылар ғана (мысалы, сыртқы қоймаларды қоса, қан алу (тексеру) жөніндегі мекемелер) жеткізіп салуы тиіс. Бұл жеткізіп салушылар фракциялау/өндіру жөніндегі кәсіпорындармен белгіленген бастапқы шикізаттың ерекшеліктерінде көрсетілуі, және уәкілетті органмен (мысалы, инспекция жасағаннан кейін), сондай-ақ кәсіпорынның фракциялау жөніндегі уәкілетті тұлғасымен бекітілуі тиіс. Осы Талаптардың 6.8 тармағында плазмаға (фракциялауға арналған плазмалар) бастапқы шикізат ретінде баға беру және пайдалануға берілген рұқсаттар сипатталған. 3.4. Фракциялау жөніндегі кәсіпорын (дайын дәрілік препараттарды өндіруші) жазбаша рәсімдерге сай, олардың аудиттерін қоса, жеткізіп салушылардың біліктілігін өткізіп отыруы тиіс. Қауіптерді бағалауға негізделген әрекеттерді ескеріп, жеткізіп салушылардың қайта біліктілігін ұдайы өткізіп отырған жөн. 3.5. Фракциялау жөніндегі кәсіпорын (дайын дәрілік препараттарды өндіруші) жеткізіп салушылар болып табылатын қан алу (тексеру) жөніндегі мекемелермен жазбаша келісімшарттар жасауы тиіс. Әрбір осындай келісімшартта кем дегенде келесідей мәліметтер көрсетілуі тиіс: міндеттемелерін және жауапкершілігін белгілеу; сапа жүйесіне және құжаттамаға қойылатын талаптар; донорларды іріктеу және сынақ жүргізу өлшемшарттары; қанды қан компоненттеріне және плазмаға бөлуге қойылатын талаптар; плазманы қатыру; плазманы сақтау және тасымалдау; қан тапсырудан (алудан) кейін қадағалау және мәлімдеу (соның ішінде жағымсыз құбылыстар жөнінде). Фракциялау жөніндегі кәсіпорында (дәрілік препараттарды өндірушіде) қан алу (тексеру) жөніндегі мекеме жеткізіп салған шикізат бірліктерінің барлық сынақтарының нәтижелері қолданыста болуы қажет. Қосымша мердігермен жасалған кез келген саты жазбаша келісіммен көзделуі тиіс. 3.6. Өнімнің сапасына және қауіпсіздігіне немесе қадағалануына ықпалын тигізуі мүмкін барлық өзгерулерді жоспарлау, бағалау және құжатпен рәсімдеу үшін өзгерулерді бақылаудың тиісті жүйесі белгіленуі қажет. Ұсынылатын өзгерулердің әлеуеттік ықпалын бағалау қажет. Әсіресе вирустарды жою және белсенділігін жою сатыларында қосымша сынақтарды немесе валидацияны жүргізу қажеттілігін бағалау қажет. 3.7. Инфекция жұқтыратын агенттермен және жаңа жұқпа жұқтыратын агенттермен байланысты қауіптерді барынша азайту үшін, қауіпсіздігіне қатысты шаралардың тиісті жүйесі енгізілуі тиіс. Мұндай жүйе қауіпті бағалауда мыналарды қамтуы тиіс: плазманы өңдер алдында, күмән тудыратын дозаларды алып тастау үшін, өндірістік қорды ұстау уақытын (ішкі карантин уақыты) анықтау (бұдан бұрын донорлардан алынған дозалардың жоғары қаупі бар дозалар анықталмас бұрын заңнамамен белгіленген кезең ішінде алынған дозалар өңдеуден алып тасталуы тиіс (мысалы, тестінің оң нәтиже беруіне байланысты); вирустар санының төмендеуімен байланысты барлық аспектілерді және/немесе инфекция жұқтыратын агенттерге немесе олардың аналогтарына жүргізілген сынақтарды есепке алу; вирустар санын төмендету мүмкіндігін анықтау, бастапқы шикізат сериясының шамасын және өндіріс процесінің бұрыннан бар басқа да аспектілерін анықтау. 4. Қан алғаннан кейінгі қадағалануы және іс-шаралар 4.1. Қолда донордан бастап, қан алу (тексеру) жөніндегі мекемелерде алынған дозаға дейін, және әрі қарай, дәрілік препарат сериясына дейін, сондай-ақ кері бағытта қадағалауға мүмкіндік беретін жүйе болуы қажет. 4.2. Өнімнің қадағалануына жауапкершілік белгіленуі қажет (қандай да болсын кезеңнің болмауына жол берілмейді): донордан және қан алу (тексеру) жөніндегі мекемелерде алынған дозадан бастап, фракциялау жөніндегі мекемеге дейін (бұл қан алу (тексеру) жөніндегі мекемелердегі жауапты тұлғаның міндеті болып табылады); фракциялау жөніндегі мекемеден бастап дәрілік препаратты өндірушіге және дәрілік препаратты немесе медициналық бұйымдарды өндіруші болып табылатын-табылмайтынына қарамастан, қандай да болсын мердігерлік қызметкерге дейін (бұл уәкілетті тұлғаның міндеті болып табылады). 4.3. Толық қадағалануы үшін қажетті деректерді, егер заңнамамен басқаша белгіленбесе, кем дегенде 30 жыл сақтау қажет. 4.4. Осы Талаптардың 3.5 тармағында көрсетілген қан алу (тексеру) жөніндегі мекемелер (соның ішінде тексеретін зертханалар) мен фракциялау жөніндегі мекеме (өндіруші) арасындағы келісімшарттар қан алудан кейінгі шаралары және қадағалануы плазма алудан бастап дайын өнімді шығаруға рұқсат беруге жауапты барлық өндірушілерге дейінгі барлық желіні қамтығанына кепілдік беруі тиіс. 4.5. Қан алу (тексеру) жөніндегі мекемелер фракциялау жөніндегі мекемені (өндірушіні) өнімнің сапасына немесе қауіпсіздігіне ықпалын тигізуі мүмкін қандай да болсын жағдай жөнінде, сондай-ақ донорды қабылдаудан немесе плазманы шығаруға рұқсат беруден кейін алынған маңызды басқа ақпарат, мысалы кері ақпарат (қан алудан кейін алынған ақпарат) туралы хабардар етуі тиіс. 4.6. Егер қан алу (тексеру) жөніндегі мекемеге уәкілетті органның жүргізген инспециясының нәтижесі арнайы рұқсаттың (лицензияның, сертификаттың) күшін жойған жағдайда, осы Талаптардың 4.5 тармағында көрсетілгендей мәлімдеме жасауы қажет. 4.7. Стандартты операциялық рәсімдерде қан алудан кейін алынған ақпараттарды басқару сипатталуы қажет, мұндайда лицензиялық талаптар және уәкілетті органдарды хабардар ету рәсімдері есепке алынуы тиіс. 5. Үй-жайлар және құрал-жабдық 5.1. Микробтық контаминацияны немесе өзге материалдың плазма сериясына еніп кетуін барынша азайту мақсатында, плазма бірліктерін ерітуді және біріктіруді осы Талаптардың № 1 Қосымшасында белгіленген тазалықтың кем дегенде D сыныбының талаптарына сәйкес келетін аймақтарда жүргізген жөн. Бетке киілетін бетперде пен қолғапты қоса, арнайы киімдерді пайдалану керек. Технологиялық процесс барысындағы ашық (буылмаған) өнімдермен жүргізілетін басқа операцияларды Тиісті өндірістік практика стандартының № 1 Қосымшасында тиісті талаптарды қанағаттандыратындай жағдайларда жүзеге асырған жөн. 5.2. Тиісті өндірістік практика стандартының № 1 Қосымшасының талаптарына сәйкес, әсіресе плазмасы бар контейнерлерді ашу кезінде, сондай-ақ еріту және біріктіру кезінде өндірістік ортаға ұдайы мониторинг жүргізген жөн. Қолдануға жарамдылық өлшемшарттары белгіленуі тиіс. 5.3. Донор плазмасынан алынатын дәрілік препараттарды өндіргенде вирустарды жою немесе белсенділігін жоюдың тиісті әдістері пайдаланылуы және өңделген өнімнің әлі өңделмеген өніммен контаминациясына жол бермеудің тиісті шаралары қабылдануы тиіс. Вирустардың белсенділігін жоюдан кейін жүргізілетін технологиялық процестің сатылары үшін арнайы арналған бөлек бөлмелерді және құрал-жабдықты пайдаланған жөн. 5.4. Ағымдағы өндірістің валидациялық сынақтары кезінде пайдаланылатын вирустармен контаминациялану қаупін төмендету үшін, вирустар мөлшерін төмендету әдістерінің валидациясына өндірістік техникалық заттарды пайдаланып жүргізбеген жөн. Аталған жағдайда валидацияны тиісті нормативтік құқықтық актілерге сәйкес жүргізу керек. Өндіріс Бастапқы материалдар 6.1. Бастапқы материалдар тиісті фармакопеялық құжаттардың талаптарына сәйкес келуі, сондай-ақ тиісті тіркеу дерекнамасында, соның ішінде плазма дерекнамасында болатын жағдайларды қанағаттандыруы тиіс. Бұл талаптар қан алу (тексеру) жөніндегі мекеме мен фракциялау жөніндегі кәсіпорын (өндіруші) арасында жазбаша келісіммен берілуі тиіс (осы Қосымшаның 3.5. тармағын қараңыз). Оларды сапа жүйесінің жәрдемімен бақылаған жөн. 6.2. Үшінші ел үшін келісімшарт бойынша фракциялау бағдарламасы үшін бастапқы материалдар осы Қосымшаның 2.4 тармағында көрсетілген нұсқаулардың талаптарына сәйкес келуі тиіс. 6.3. Алу типіне байланысты (мысалы, тұтас қанды алу немесе автоматты аферез) өңдеудің әртүрлі сатылары қажет болуы мүмкін. Өңдеудің барлық сатылары (мысалы, центрифугалау және (немесе) бөлу, сынамаларды сұрыптау, таңбалау, қатыру) жазбаша нұсқауларда белгіленуі тиіс. 6.4. Әсіресе таңбалау кезінде бірліктер мен үлгілердің қандай да болсын шатасуына, сондай-ақ, (мысалы, түтік сегменттерін кескенде (контейнерлерді тығындағанда) қандай да болсын контаминацияға жол бермеген жөн. 6.5. Қатыру плазмада құбылмалы, (мысалы, ұю факторлары болып табылатын) протеиндердің бөлініп шығуының аумалы сатылары болып табылады. Сондықтан қатыруды қан алуды алғаннан кейін мүмкіндігінше тезірек валидациялық әдіс арқылы жүзеге асыру керек. Мұндайда тиісті фармакопеялық құжаттарға сәйкес талаптарды ұстану қажет. 6.6. Қанды немесе плазманы фракциялау (өндіруші) жөніндегі кәсіпорында сақтау және оны тасымалдау шарттары белгіленуі және анықтау мен жабдықтаудың барлық кезеңдерінде құжатпен рәсімделуі тиіс. Белгіленген температурадан ауытқулар туралы фракциялау жөніндегі кәсіпорынды (өндірушінің) хабардар еткен жөн. Сапасы бағаланудан өткен құрал-жабдықты және валидациядан өткен рәсімдерді пайдалану қажет. Бастапқы шикізат ретінде пайдаланылатын фракциялауға арналған плазманы бағалауға (шығаруға) рұқсат беру 6.7. Фракциялау үшін (карантиннен) плазманы шығаруға рұқсат беру дайын өнімді өндіру үшін қажетті сапаны қамтамасыз ететін рәсімдер және жүйелер арқылы жүзеге асырылуы мүмкін. Плазма фракциялау жөніндегі кәсіпорынға (өндірушіге) фракциялауға арналған плазманың сәйкестігі жөніндегі жауапты тұлғаның тиісті жазбаша келісімшарттарда белгіленген талаптарға және ерекшеліктерге сәйкес келетіндігі, сондай-ақ барлық сатылардың Тиісті өндірістік практика стандартына сәйкес жүргізілгенін құжатпен растағаннан кейін ғана жеткізілуі мүмкін. 6.8. Фракциялау жөніндегі кәсіпорынға түскен фракциялауға арналған плазмасы бар контейнерлерді пайдалануға уәкілетті тұлға рұқсат беруі тиіс. Уәкілетті тұлға плазманың фармакопеялық құжаттардың барлық талаптарына сәйкес келетіндігін және тиісті тіркеу дерекнамасының, соның ішінде плазманың негізгі дерекнамасының шарттарын қанағаттандыратынын, ал үшінші ел үшін келісімшарт бойынша фракциялау бағдарламасы үшін плазманы пайдаланған жағдайда осы Қосымшаның 2.4 тармағында көрсетілген барлық талаптарды қанағаттандыратынын растауы тиіс. Фракциялауға арналған плазманы өңдеу 6.9. Фракциялау үдерісі сатыларының өнімге және өндірушіге байланысты айырмашылықтары бар. Әдеттегідей, олар фракциялау (тазалаудың) әртүрлі операцияларын қамтиды, ал олардың кейбіреулері ықтимал контаминацияны жоюға және (немесе) белсенділігін жоюға мүмкіндік беруі мүмкін. 6.10. Біріктіру, біріктірілген плазмадан үлгілерді сұрыптау, фракциялау (тазалау) және вирустардың белсенділігін жою (жою) процестеріне қойылатын талаптарды белгілеген және оларды қатаң ұстанған жөн. 6.11. Вирустың белсенділігін жою үдерісінде пайдаланылатын әдістерді валидацияланған рәсімдерді қатаң сақтай отырып қолданған жөн. Бұл әдістер вирустың белсенділігін жою рәсімдерін валидациялаған кезде пайдаланылған әдістерге сәйкес келуі тиіс. Вирустың белсенділігін жоюдың сәтсіз рәсімдерінің мұқият тексерілуін орындаған жөн. Валидацияланған технологиялық процесті орындау вирустардың мөлшерін азайту рәсімдерінде аса маңызды болып табылады, өйткені ауытқулар дайын өнімнің қауіпсіздігі үшін қауіп төндіруі мүмкін. Осы қауіптерді есепке алатын рәсімдер қолданыста болуы тиіс. 6.12. Қандай да болсын қайталап өңдеуді немесе артығымен өңдеуді сапа үшін қауіптерді басқару жөніндегі шараларды жүргізгеннен кейін ғана және технологиялық процестердің белгілі бір сатыларында ғана жүргізуге болады, бұл тиісті препараттың тіркеу дерекнамасында көрсетілген. 6.13. Дәрілік препараттарды немесе вирустардың белсенділігін жою (жою) рәсімдерінен өткен және әлі мұндай рәсімдерден өтпеген аралық өнімдерді (бөлу) айыру болуы тиіс. 6.14. Қауіптерді басқарудың жүргізілген процесінің нәтижелеріне байланысты (эпидемиологиялық деректердің ықтимал айырмашылықтарын ескеріп), егер 1 кәсіпорында плазманы (шығу тегі әртүрлі аралық өнімді) өңдеген жағдайда, дәл бөлудің қажетті рәсімдерін және белгіленген валидацияланған тазарту рәсімдерінің болуын қоса, өндірістік циклдерді қағидат бойынша өндіруге рұқсат етілуі мүмкін. Осындай шаралар үшін талаптар тиісті нормативтік құқықтық актілерге негізделуі тиіс. Қауіптерді басқару процесі үшінші елдермен келісімшарт бойынша фракциялау бағдарламалары жағдайында арнайы құрал-жабдықты пайдалану қажеттілігін анықтайды. 6.15. Тұрақтылығы жөніндегі деректер негізінде сақтауға арналған аралық өнімдер үшін сақтау мерзімін белгілеген жөн. 6.16. Жабдықтау желілерінің барлық кезеңдерінде аралық өнімдерді және дайын дәрілік препараттарды сақтау және тасымалдауға талаптар белгіленуі және құжатпен рәсімделуі тиіс. Сапасы бағалаудан өткен құрал-жабдықтарды және валидациядан өткен рәсімдерді пайдаланған жөн. 7. Сапаны бақылау 7.1. Вирустарға немесе басқа да жұқпа жұқтыратын агенттерге жүргізілетін сынақтарға қойылатын талаптарды жұқпа жұқтыратын агенттер жөніндегі жаңа білімдерді және сынақтардың валидациялық әдістерінің болуын ескеріп белгілеген жөн. 7.2. Плазманың алғашқы біркелкі пулын (мысалы, криопреципитатты плазма пулынан айырғаннан кейін) тиісті фармакопеялық талаптар бойынша тиісті сезімталдығы және ерекшелігі бар валидациялық әдістерді пайдаланып бақылаған жөн. Аралық дайын өнімді шығаруға рұқсат беру 8.1. Бақылау нәтижесінде вирус-маркер (антиденелерге) қатысты жағымсыз деп мойындалған плазма пулдарынан өндірілген, сондай-ақ фармакопеялық талаптарға (вирустардың мөлшерін шектейтін шектеулер шеңберіндегі мәндерді қоса) және бекітілген ерекшеліктерге (мысалы, плазманың негізгі дерекнамасына) сәйкес келетін серияларды ғана шығаруға рұқсат етіледі. 8.2. Кәсіпорын ішінде әрі қарай өңдеу үшін немесе басқа кәсіпорынға жеткізу үшін аралық өнімдері шығаруға рұқсат беруді, сондай-ақ дайын дәрілік препараттарды шығаруға рұқсат беруді уәкілетті тұлға, бекітілген тіркеу дерекнамасының талаптарын сақтай отырып, жүзеге асыруы тиіс. 8.3. Уәкілетті тұлға үшінші ел үшін келісімшарт бойынша фракциялау бағдарламасы үшін пайдаланылатын аралық немесе дайын өнімдерді шығаруға рұқсат беруді тапсырыс берушімен келісілген нормативтер негізінде, сондай-ақ Тиісті өндірістік практика стандартының талаптарына сәйкес жүзеге асыруы тиіс. 9. Плазма пулдарының үлгілерін сақтау 9.1. Плазманың бір пулы бірнеше серияларды және (немесе) дәрілік препараттарды өндіру үшін пайдаланылуы мүмкін. Плазманың әрбір тексерілетін үлгілерін, сондай-ақ тиісті жазбаларды плазманың осы пулынан алынған барлық дәрілік препараттардың ішінен сақтау мерзімі өте үлкен сақтау мерзімі аяқталғаннан кейін кемінде 1 жыл сақтаған жөн. 10. Қалдықтарды жою 10.1. Қалдықтарды, бір реттік және ауытқыған (мысалы, контаминацияланған бірліктер, жұқпа жұқтырған донорлардан алынған бірліктер, сондай-ақ қандар, плазмалар, аралық өнімдер немесе жарамдылық мерзімі өтіп кеткен дайын дәрілік препараттар) материалдарды қауіпсіз сақтаудың және жоюдың жазбаша рәсімдері болған жөн, олар құжатпен ресімделуі тиіс.
жүктеу/скачать 0.97 Mb. Достарыңызбен бөлісу:
|