62
№21 Сабак:
ИШТЕМЧИЛДИК
Сабактын максаты:
➢
Окуучулар эмгекчилдикке үйрөнүшөт;
➢
Иштерман болуунун пайдасын түшүнүшөт;
➢
Бири-биринин пикирин баалоону үйрѳнүшѳт;
Сабактын жабдылышы:
Окуучуларга
таркатылуучу текст, ватмандар, маркерлер, проектр, слайддар.
Сабактын жүрүшү:
1-кадам: Мугалим окуучуларга текстти окуп берет. Текст боюнча суроолорду
берет. Класста талкуу уюштурулат.
Текст.
Бирөөнүн үч уулу болуптур. Атасы аларга ар дайым «уйкуну кандыра уктагыла,
тамакты кушкер кылып жегиле» деп насаат айтуучу экен. Жылдар жылып,
мезгил
закымын кубалап жүрүп, үч уул тең эрезеге жетип, атасын ээсине тапшырып, өз бет
алдынча жашоону баштайт. Эки улуусу ата керээзи деп, жуурканды калың салып, бак
ичинде булбул-кушту сайратып, уйкуну катырчу экен да, түрдүү даамдарды
тынымсыз жеп, жаштыгын өткөрүптүр.
Кичүү уулу болсо ата керээзин башкача кабылдаптыр, кечке тыным билбей тер
агызып,
талаада иштеп, кечинде чарчап келип, курсагы ачып, берген оокатты
калтырбай жеп, тырп этпей уктап калчу экен.
Кийин-кийин
эки улуу баланын ичи чыгып, эткээлдиктен ооруга кабылып,
үйүндө ырыскысы түгөнүп, итке минип калышса, кичүүсү дени сак,
саглам болуп,
байлык да, ырыскы да, олжо да үйүнө батпай кетиптир...
Көрсө атасы эмгектенген кишинин гана уйкусу канат, тамагы кушкер болуп
жакшы сиңет деген экен.
Хадистерде «Адал кесиптен чарчап уктаган адам күнөөлөрү кечирилген абалда
түнөйт» деп айтылат.
Достарыңызбен бөлісу: 
