Удмурт кыл сярысь. Кыл сочетание но предложение. Предложенилэн членъёсыз. Однородной членъёс.

Пиналъёс предложениосты эскеро, шедьто прилагательнойёссэ, существительнойёссэ, числительнойёссэ.Кыкети столбикысь шедьто местоимениоссэ. Выводъёс лэсьтиськомы: местоимениос предложениын кутиськыны быгато существительной, прилагательной но числительной интые, вошто соосыз, но уг нимало. Соин ик сое удмурт сямен шуо нимвоштос. Выль темая лэсьтиськомы таблица.

	Существительной	Прилагательной	Числительной
Нима Юан Вошъяське	Предметэз Кин? Ма? Падежъя, лыдъя	Предметлэсь тодметсэ Кыче? Кычеесь? Падежъя, лыдъя	Предметлэсь лыдзэ Коня? Коняети? Падежъя, лыдъя

МЕСТОИМЕНИЕ

Воштэ, но уг нима

Учебникысь 109-ти бамысь эскериськомы, кыче группаослы люкиськыны быгато местоимениос пуштроссыя. Нимысьтыз эскериськомы личной, вопросительной, относительной, неопределённой но отрицательной местоимениосты, соосъя но лекционной тетрадьёсамы лэсьтиськомы та выллем записьёс:

Местоименилэн группаез	Мае возьматэ	Пример
Личной	Лицоез	Мон, тон, со, ми, ти, соос
Вопроситльной	Сущ., прил., числ. юанъёссы	Кин? Кудиз? Кыче? Коня?
Относительной	Юанэз уг возьмато	Кин, кудиз, кыче, коня
Неопределеной	Шонерак тодымтэез	Маке, олокыче, коня ке
Отрицательной	Луымтэез, оволэз	Нокин, нокыче, ноконя

Саомпогружение. Учебникен ужан. 40, 41, 42, 43 §§ эскерон. Пиналъёс шара лыдзо учебникын сётэм теоретической материалэз. Выводъёс лэсьто, ма выльзэ тодизы соос местоимениос сярысь, учебникез лыдзыса (кылсярысь, кызьы пормо вопросительной, неопределённой но отрицательной местоимеиос).

Тренировочной ужъёсты быдэстон: 216, 219-ти ужъёсты доска дорын комментировать карыса быдэстон. (точкаос интые личной но относительной местоимениос пуктылыса гожъяло). Таблицаез быдэстэ:

Вопросительно-относительной	Неопределённой	Отрицательной
Кин Кыче	Кин ке, олокин Кыче ке, олокыче	Нокин Нокыче

212 ужез устно быдэстон. Предложениосысь шедьто местоимениссэ, верало соослэсь пуштроссыя кыче группае пыремзэс. Пиналъёсты кылзон но ужзылы анализ лэсьтон.

Практикум. Группаосъя ужан. 1-ти группалы ужъёс:

1. 210-ти ужысь текст бордын ужан.

• 
  Текстлэсь темазэ, идеязэ, типсэ, стильзэ вералэ. Йыръян малпалэ.
  
• 
  Текстэз гожъялэ, местоимениоссэ пусъе.
  

• 
  Кыче группае пыре котькудиз местоимение
  
• 
  1, 2 предложениосты членъёсъя эскере.
  

2. малпалэ 4 предложение, кытын местоимение луэ:

• 
  Подлежащей
  
• 
  Определение
  
• 
  Сказуемой
  
• 
  Дополнение
  

2-ти группалы ужъёс.

1. 209-ти ужысь текст бордын ужан.

• 
  Текстлэсь темазэ, идеязэ, типсэ, стильзэ вералэ. Йыръян малпалэ.
  
• 
  Текстэз гожъялэ, местоимениоссэ пусъе.
  

• 
  Кыче группае пыре котькудиз местоимение
  
• 
  1, 8 предложениосты членъёсъя эскере.
  

3. 
   Малпалэ 4 предложение, кытын местоимение луэ:
   

• 
  Подлежащей,
  
• 
  Определение
  
• 
  Сказуемой
  
• 
  Дополнение.
  

Пиналъёс группаын котькудиз аслэсьтыз быръем люкетсэ быдэстэ, огзэс огзы кылзо но быдэс класс азьын верасько.

Гуртэ уж. 40, 41, 42, 43 §§, 214, 217 ужъёс.

Зачёт №22.

А-уровень. Точкаос интые кулэ букваос пуктылыса гожъялэ. (Ужъёсын листокъёс котькуд дышетскисьлэн азяз):

Выр..ыл, боры…ны, сяська…ны, лы… чорыг, сяр..чы, бур..чин, лы…зыны, котыр…кыны, бугыр…кыны, шутэ…кыны, палэн…кыны, вор…кыны, писпу…мы, ты…мы, ты… инты, шугды…зь, Можга…зь, гурез…зь, бусы…зь, ва….ёс, губи…ны, сутэрпу… инты, шунды… куазь, шыд по…тыны, ню…тиськыны, во…тиськыны, го…тыны, вы…тыны, вы…кы, жо…кыны.
Б-уровень. Тестъёсты лэсьтэ:

1. 
   Таяз предложениын «шуныт» кыл прилагательной луэ:
   

1. 
   Шуныт вуиз асьме палъёсы но.
   
2. 
   Будосъёс но, нымы-кибыос но – ваньзы шунытэз ярато.
   
3. 
   Вуизы, лэся, шуныт, шундыё нуналъёс.
   
4. 
   Анае шуныт пальпотиз.
   

1. 
   Шедьтэ мултэссэ, валэктэ:
   

1. 
   Олома, олоку, олокин, олоконя
   
2. 
   Лызэзлы, лызэзлэсь, лызэзтэк, лызэныз
   
3. 
   Чылкытъёсыз, бездытсэ, зарыт-вож, лызпыр-пурысезлы
   
4. 
   Одиг куиньмос, витетиез, витьнамы, ог куинь
   
5. 
   Коркаын, коркаен, коркалы, коркаед
   
6. 
   Арганчи, катанчи, крезьчи, сюресчи
   
7. 
   Быдзала, пасьтала, куала, зоктала
   

1. 
   Таяз предложениын местоимениез вань:
   

1. 
   Коня ке дышетскемед, сомында ик тодэмед
   
2. 
   Коня чебересь сяськаос татын!
   
3. 
   Кыче чебер льомпу сад!
   
4. 
   Кыче емышъёс мерттиды школа бакчаяды?
   
5. 
   Гужем нокытчы ой ветлы.
   

4. 
   Таиз числительной падежъёсъя уг вошъяськы:
   

1. 
   Кык улмо,
   
2. 
   Кыкетиез корка
   
3. 
   Одиг быдэс но куинь дасмос
   
4. 
   Витети ульча.
   

В-уровень. Малпалэ куинь предложение, кытын местоимение луэ:

1. 
   Определение
   
2. 
   Подлежащей
   
3. 
   Сказуемой.
   

Блок № 23

1.Тема: Указательной, притяжательной но определительной местоимениос. Послелогъёсын местоимениос

2. Цель: - местоимениос сярысь пиналъёслэсь тодон-валанзэс паськытатон но муромытон;

- указательной, притяжательной но определительной местоимениосын тодматон;

- послелогъёс сярысь тодон-валанзэс паськытатон но муромытон.

3. Задачаос: - послелогъёсын местоимениосты шонер гожъяны дышетон;

- определительной местоимениослэн пормон амалъёсынызы тодматон но соосты шонер гожъяны дышетон.

Блоклэн мынэмез.

Лекция. Уроклэн темаеныз но целеныз тодматскон. Азьвыл блокын ортчем темаосты тодэ ваён:

• 
  Кыче вераськон люкетэн тодматским азьвыл блокын?
  
• 
  Ма тодиды местоимение сярысь кылем блокын?
  
• 
  Кыче группаослы люкисько месотимениос?
  

Юанъёсты сэрттэм-пертчем бере, дышетись пусъе, туннэ урокын притяжательной, указательной но определительной местоимениосын тодматском шуыса. Выль темаен тодматскон понна, ужаськом текст бордын (со пиналъёслэн партаоссы вылын дасямын):

Укно улысь льомпуэ пуктэм уморто дораз аслэсьтыз шулдыр гурзэ чирдэ шырчик. Кытысь солэн сомында портэм гурез? Кудиз шуэ, та шырчиклэн номыриз но аслазэз овол.

Нырысь со учылэсь кырзанзэ кырзаз, собере тюрагайлэсь гурзэ лэзиз. Гурзэ вошъя но вошъя. Сизь выллем но куара сётэ пислэг сямен но жингетэ – ваньзэ быгатыса кисьтэ.

Пиналъёс текстысь предложениосты лыдзо, местоимениоссэ шедьто но валэкто, кыче группае пыре коькудиз местоимение. Нимысьтыз пусйиськом сыче местоимениосты, кудъёсызлэсь кыче группае пыремзэс ум тодиське на. Сычеосыз полы пыртиськомы тачеоссэ: «аслэсьтыз», «сомында», «аслазэз», «ваньзэ». Эскериськом, мае соос возьмато. Вань со ужез быдэстэммы бере, выль темая лэсьтиськомы таблица. Со таче порме:

местименилэн группаез	мае возьматэ	пример
Указательной Притяжательной Определительной	предмет, тодмет, лыд шоры возьматэмез предметлэсь кинлэн, малэн луэмзэ оглом верамез	со, та тамында, соиз, сыче, таче но мукет. аслам, милям, тилесьтыд, солэн вань, быдэс, ачим, котьконя.

Пиналъёс таблицаез лекционной тетрадьёсазы быдэсто. Учебникысь 44,45,46-ти §§ эскерон.

Самопогружение. Учебникысь тренировочной ужъёсты быдэстон. 227, 230, 232-ти ужъёсты доска дорын быдэстон. Та ужъёсты быдэстыса, пиналъёс указательной, притяжательной но определительной местоимениос сярысь тодон-валанзэс юнмато.

Практикум. Группаосъя ужан. 1-ти группалы ужъёс.

226-ти ужысь текст бордын ужан.:

• 
  Местоимениоссэ гожъялэ, кыче группае пыремзэ пусъе.
  
• 
  Указательной местоимениослэсь падежъёссэс тодмостэ.
  
• 
  234-ти ужысь схемаосъя предложениос малпалэ.
  

2-ти группалы ужъёс.

231-ти ужысь текст бордын ужан.

• 
  Местоимениоссэ гожъялэ, кыче группае пыремзэс пусъе.
  
• 
  3-ти предложениез членъёсъя эскере.
  
• 
  234-ти ужысь схемаосъя предложениос малпалэ.
  

3-ти группалы ужъёс.

Учебникысь 235-ти ужысь текст бордын ужан.

• 
  Местоимениоссэ гожъялэ, кыче группае пыремзэ пусъе.
  
• 
  Местоимениослэсь падежъёссэс тодмостэ.
  
• 
  234 ужысь схемаосъя предложениос малпалэ.
  

Пиналъёс группаын ужало, ог-огзэс эскеро но быдэс класс азьын верасько. Гуртэ уж: местоимениос, существительнойёс но прилагательнойёс сярысь выжыкылъёс малпано.
Зачет№ 23.

А-уровень. Мини-диктант.

Уже кельше.

Ну, уже мынам! Одигзэ лэсьтиськод, отын ик мукет интые отё. Курсын ми оломае но дышетским кадь. Нош татын созэ но уг тодиськы, таиз но тодмотэм. Ярано, огнам овол. Мае уг быгатиськы, адямиос асьсэос ик юрттисько. Мынам ужаны кутскемелы шумпотизы. Гуртмылэн аслаз механикез лдуоз. Мынэсьтым курсысь бертэмме туж шумпотыса витё вылэм.

Кизем бере ми кутским коркаосы ез кысканы. Таиз уж мыным кельше. Адямиос милемыз самой дуно куноосыз кадь пумитало.

Б-уровень. Местоимениоссэ пусъе, кыче группае соос пыро. 2-ти люкетысь местоимениослэсь падежъёссэс пусъе.

В-уровень. Малпалэ кылъёс:

1. 
   Существит., притяжат., одиг лыдын, Н.п. (ульчаед).
   
2. 
   Дробной числительной, С.п.(одиг кыкмослы)
   
3. 
   Сложной прил., вакчи гожен гожт., висъясь суф., одиг лыд, В.п.(лызмыт-вожезлэн)
   
4. 
   Определит.мест., сущ. воштэ, А.п.(котькинэ)
   
5. 
   Сущ. сложной, валче гожт., одиг лыд, Лк.п (лысвулэсь)
   
6. 
   Порядковой числит.,висъясь суф., простой, одиг лыд, И.п.(кыкетияз).
   

Блок № 24

1.Тема: местоимениосъя вань ортчемез тодэ ваён. Местоименилы морфологической разбор.

2. Цель: - местоимениосъя вань тодон-валанзэс паськытатон но муромытон;

- существительнойёс, прилагательнойёс но числительнойёс сярысь отчемез тодэ ваён4

- инкуазез гажан мылкыд пычатон.

3. Задачаос: - местоимениослы морфологической разбор лэсьтыны дышетон;

- местоимение сярысь тодон-валанзэс огъя таблицае огазеяса но радъяса возьматыны быгатонлыксэс азинтон;

- пиналъёслэсь вераськон кылзэс волятон но творческой быгатонлыкъёссэс азинтон бордын ужан – соосты сочинение гожтыны дасян.

Блоклэн мынэмез.

Лекция. Дышетись тодматэ пиналъёсты уроклэн темаеныз но целеныз но пусъе: туннэ асьмеос местоимениосъя вань тодон-валанмес радъялом, юнматом но озьы ик тодамы ваёмы существительнойёсты, прилагательнойёсты но числительнойёсты. Дышетском местоимениослы морфологической разбор лэсьтыны. Местоимениосъя вань ортчемез тодэ ваён понна, люкиськиськом кык группалы: 1-ти группа ужа юанъёсъя ( доска вылын дасямын ), кыкети группа (кужмогес пиналъёсты отчы пыртиськомы) доска дорын лэсьтэ местоимнеиосъя огъя таблица (азьвыл ортчем вераськон люкетъёсъя таблицаосты тодазы вайыса). Юанъёс:

• 
  Кыче вераськон люкетэз местоимение шуо?
  
• 
  Предложенлэн кыче членэз луыны быгатэ местоимение?
  
• 
  Маин портэм местоимение существительнойлэсь, прилагательнойлэсь но числительнойлэсь?
  
• 
  Пуштроссыя кыче группаослы люкисько местоимениос?
  
• 
  Кыче местоимениос пормо приставкаосын но кызьы соос гожтисько?
  
• 
  Мая вошъясько местоимениос?
  

Юанъёсты сэрттэм-пертчем бере, эскериськом пиналъёслэсь лэсьтэм таблицазэс, солы дунъет сётиськом. Со та выллем луэ:

Пиналъёс таблицаез лекционной тетрадьёсазы лэсьто.

Самопогружение. Учебникысь 122-ти бамысь местоименилы разбор лэсьтон схемаез эскериськомы но местоименилы разбор лэсьтыны дышетскиськомы – учебникысь 122-ти бамысь).

Текст бордын ужан(со пинлъёслэг парта вылазы дасямын).

Музъем-анай.

Музъем сюдэ утялтэ вордэ. Кин вералоз, коня пумо эмъюм будосъёс будо асьме шаерамы? Куд-огзэ соосты тодиськомы бичаськомы. Асьсэлы кулэзэ пудоос гинэ но тодо асьсэды эмъяны быгато.

Чылкак паймымон, кыче шомоез гинэ будосъёс овол музъем вылын курытэз ческытэз конялэз чырсэз кузьытэз. Музъем ваньзэ чакласа лыдэ басьтыса тодыса лэсьтэ, соин со туж визьмо но мудрон адямилы укша. Со туж умой тодэ, кинлы маар кулэ кинлы кудиз тупа. Музъем со ваньмызлы анай, сои ник сое ваньмыз адямиос утьыны кулэ.

Текст борыд устно ужан. Пиналъёс предложениосты шара лыдзо, кулэ знакъёссэ валэктыса. Местоимениоссэ пусъё, верало, кыче группае соос пыро. Ужаськом текстлэн темаез но идеяез бордын:

• 
  Малы музъемез анаен чошатиллям?
  
• 
  Маин музъем мудрон адямилы укша?
  

«Куд-огзэ» кыллы морфологической разбор лэсьто тетрадязы асьсэ коже.
Выборочной диктант.

Писпулэн дуныз

Котькуд адями сюлмаськыны кулэ нюлэс будэтон сярысь. Тани, шуом, писпуосты коразы, табере отчы выльёссэ мерттоно. Писпуослэсь ас кожазы будэмзэс возьмад ке, нюлэстэк кылёд, угось сюрс тысь полысь выжыя огэз яке кыкез писпу.

Тэлэз тужгес но тылпулэсь утёно. Лэсьтиськонэ мынись нюлэс сю аръёс чоже юнма, нош тылпу кык-куинь часкын чиптэм-чаптэм нюлыса куштэ. Ог ньыльдон-витьтон аръёс ортчозы, та инты выльысь «лулъяськытозь». Кышкыт тылпу чынэн чош толзе шаермылэн ваньбурез. Соин ик асьмеоы утёно узыр нюлэсъёсмес: нюлэс – со шаермылэн узырлыкез, асьмеоэн тазалыкмы.

Доска дуре вошъяськыса потаса, пиналъёс предлложениосысь кулэ кылъёсты гинэ бырйыса гожъяло но радъяло таче таблицае

Существительной	Прилагательной	Числительной	Местоимение
Адями, нюлэс, писпуосты, тысь, телез, тылпулэсь, аръёс, инты, чынэн, шаермылэн, ваньбурез, нюлэсъёсмес, узырлыкез, тазалыкмы	Выльёссэ, мынись, кышкыт, узыр	Сю, огез, кыкез, кык-куинь, ог ньыльдон-витьтон	Котькуд, ас, та, асьмелы, со, асьмелэн

Практикум. Люкисько куинь группалы: существительнойёс, прилагательнойёс, местоимениос. Котькуд группа аслаз вераськон люкетэзъя дася дораз гожтэм выжыкылзэ но сётэм ужъёсты быдэстэ. Существительнойёслы ужъёс:

4. 
   Текст бордын ужан:
   

Котькытын Выль ар праздниклы дасясько гуртын но школаын но. Нош нюлэскысь эшъёсмес кин шумпоттоз? Озьы малпаса, ми кружокамы кенешим нюлэскын улись эшъёсмылы юрттыны. Табере ми арлы быдэ толшоре нюлскы дэмен потаськом узыр саламъёсмес бурдоослы пойшуръёслы нуиськом.

• 
  Текстэз гожъялэ, кулэ знакъёссэ пуктылэ.
  
• 
  Существительнойёссэ тодмостэ, падежъёссэ пусъе.
  
• 
  «Эшъёсмылы» кыллы морфологической разбор.
  
1. 
   Берыктэ удмурт кылэ (кылъёс доска вылын):
   

Горизонт – (инвис)

Вяз – (сирпу)

Ягнёнок – (ыжпи)

Можжевельник – (сусыпу)

Груздь – (нингуби)

Черника – (кудымульы)

Прилагательнойёслы ужъёс:

1. 
   Текст бордын ужан:
   

Нюлэс туж зеч мылкыдо эш. Со вань вакытъёсы чебер котьку кужмо. Коня отын няськыт турн-куарен гыась дун ошмесъёсын жильыртись возьёс выр-гопъёс! Шулдыр улэ нюлэс: солэн семъяэз бадзым ужась кылдытись кырзась. Кыче гинэ тусбуёосыз сямоосыз выросоосыз улэп макеосыз овол лолэн! Нюлэс лыдтэм ваньбур тужу сто эмъясь.

• 
  Текстэз гожъялэ, кулэ знакъёссэ пуктылэ.
  
• 
  Прилагательнойёссэ пусъе.
  
• 
  «Выросоосыз» кыллы морфологической разбор.
  
1. 
   Скобкаосты усьяса гожъялэ (доска вылын):
   

Пурысялэс (тодьы), яркыт (горд), юг (юг), вожалэс (чагыр), чылк (чылк), лызмыт (тодьы), пурысялэс (тодьы), пеймыт (вож), ог (тусъемесь), паськыт (пельпумо).
Местоимениослы уъёс:

1. 
   Тест бордын ужан:
   

Инкуазьлэсь чеберзэ адземед потэ ке, котькыче вакытэ нблэскы мын. Нюлэс туж зеч мылкыдо эш. Со тыныд вань лул-сюлэмзэ усьтоз. Со тонэ озьу куноятоз – нокыче мумид-бубид но сыче уз утялтэ. Коня пойшуръёсты тылобурдоосты сюдэ-вордэ нюлэс! Яратись меми сямен, со котькудизлы коттыр сётэ шунтэ кырзанъёсын шулдыртэ. Нюлэс лыдтэм ваньбур лыдзыса быдтонтэм яркыт чебер книга. Сое лыдзыса, адями чеберез зечез валаны дыше.

• 
  Текстэз гожъялэ, кулэ знакъёссэ пуктылэ.
  
• 
  Местоимениоссэ пусъе. Кыче группае соос пыро.
  
• 
  «Котькудизлы» кыллы морфологической разбор.
  
1. 
   Кроссвордэз тодэ:
   

				1
				2
					3
					4
					5
			6
7
					8
					9

Кроссвордлы юанъёс:

1. 
   нырысетиез удмурт падеж
   
2. 
   вераськон люкет, кудиз нима предметлэсь лыдзэ
   
3. 
   личной местоимение
   
4. 
   «кинлэн? малэн? Юанъёслы валэктись падеж
   
5. 
   кыче местоимениос –но приставкаен пормо
   
6. 
   шомез возьматись прилагательной
   
7. 
   «тамында»местоимение кыче группае пыре
   
8. 
   «таяз коркан улэ эше» предложениын «таяз» мест. предложенилэн кыче членэз луэ
   
9. 
   указательной местоимение.
   

Пиналъёс группаын ужало, ог-огенызы кенешо, быдэс класс азьын верасько. Котькудиз группа лыдзе аслаз вераськон люкетэз сярысь выжыкылзэ. Кылсярысь, местоименос таче выжыкыл малпаллям асьсэлэн вераськон люкетсы сярысь.

Нимвоштос.

Улэм-вылэм Местоимение. Со туж шулдыр но бадзым нюлэскын улэм. Тани вуэм солэн вордиськем нуналэз. Местоимение быдэс нунал сиён-юон дасяз, сюлмаськиз. Кема возьмаз со эшъёссэ, нош соосыз оз лыктэ.Юлтошмылэн мылкыдыз куашказ; эшъёсыныз уз ни вераськы шуыса малпаз. Озьы со предложениосысь кошкиз. Существительнойлы, прилагательнойлы но числительнойлы мозмыт луиз Местоименитэк, нокин но табере соосты предложениын уг ни вошты – овол ни матысь эшсы. Соку соос куспазы кенешизы но эшсы доры кузьымъёсын мыныны вераськизы. Существительной кузьмаз аслэсьтыз падежъёссэ, предложениын подлежащей луыны быгатэмзэ, прилагательной – висъясь суффиксъёссэ, числительной но кузьымъёстэк оз лыкты. Местоимение туж шумпотиз. Куноосыз нош, кема малпаськыса, Местоименилы эшшо кузьым кузьманы малпазы. Соос Местоименилы выль, чебергес ним понизы – Нимвоштос. Со дырысен Нимвоштос туж данъяське выль нимыныз но вошъяське падежъя но лыдъя. Туж юн эшъяське Существительноен, Прилагательноен но Числительноен.

Пиналъёсты быдэс классэн кылзэм бере, местоимениосъя огъя выводъёс лэсьтиськом. Юанъёслы валэктон сёимськом:

• 
  ма тунсыкозэ тодиды инкуазь сярысь туннэ урокын?
  

• 
  маар сётэ адямилы инкуазь?
  
• 
  Малы асьмеос инкуазьмес утьыны но дунъяны кулэ?
  

жүктеу/скачать 1.46 Mb.

Достарыңызбен бөлісу: